_________________________________________________________________________

           XXXX          XX      XX  XX  XXXXX    XXXX
          XXXXXX         XX      XX  XX  XXXXXX  XXXXXX
          XX  XX         XX      XX  XX  XX  XX  XX  XX
          XX  XX         XX      XX  XX  XXXXXX  XX  XX
          XX  XX         XX      XX  XX  XXXXX   XX  XX
          XX  XX         XX      XX  XX  XX      XX  XX
          XXXXXX         XXXXXX  XXXXXX  XX      XXXXXX
           XXXX          XXXXXX   XXXX   XX       XXXX
_________________________________________________________________________

          BOLETIN D'A COLLA UNIBERSITARIA POR L'ARAGONES
                 FANZINE ELEUTRONICO EN ARAGONES
_________________________________________________________________________
 

                                    Lumero 9 (Abril-Mayo 98)

-------------------------------------------------------------------------
 NOTIZIAS
-------------------------------------------------------------------------
 A LEI DE PATRIMONIO LINGUISTICO, MAS AMAN.
Dende o diya 19 de marzo se ye reunindo en a siede de l'Instituto de Es-
tudios Altoaragoneses de Uesca, una comision de treballo (compuesta por
miembros d'a Plataforma ta la Esfensa d'as Fablas minoritarias d'Aragon,
a D.G.A. y un representan d'a F.A.C.A.O.), ta redautar un proyeuto de lei
de patrimonio linguistico d'Aragon, que sera presentau dimpues en as
Cortes Aragonesas. Anque o punto de partida d'o proyeuto ye un esbrusallo
presentau por a D.G.A., en o que no se i recullen as demandas d'as aso-
ziazions de defensa d'as fablas minoritarias, tot endica que as discu-
sions ban por buen camin.

 A PLATAFORMA SE REUNIO EN TAMARIT.
O pasau 19 de marzo, a Plataforma ta la Esfensa d'as Fablas Minoritarias
d'Aragon se reunio en a localida de Tamarit de Llitera. Se bi informo a
ras asoziazions de l'estau d'as negoziazions con a D.G.A., a o respeutibe
d'o proyeuto de lei de patrimonio linguistico (beyer informazion ante-
rior), estando ya alcordaus os zinco primers articlos d'o mesmo, abendo
intinzion d'aldordar-los toz en o mes de mayo y se i fazio una propuesta
sobre a territorialida de l'aragones y o catalan. Tamien se i comunico
que os conzellos d'Anso y Ayerbe han solizitau de traza formal, firmar
l'alcuerdo con a D.G.A. ta poder impartir clases d'aragones en as escue-
las d'istos lugars. A prosima reunion se proposo que estase en Andorra
(Teruel) a finals d'o mes de mayo.

 L'ARAGONES EN TELE-ANDORRA.
A Colla ta ra replega y esfensa de l'Aragones en o Baxo Aragon fa dende
o mes d'Abiento de l'ano pasau un programa en a telebision local
d'Andorra. O programa, que consta de reportaches de dibulgazion,
entrebistas, etz., s'emite o terzer miercols de cada mes, y tiene una
durazion de una ora alto u baxo.

 ISTE ANO NO SE ZELEBRA O DIYA EUROPEO D'AS FABLAS MINORITARIAS.
A Federazion de Casas d'o Pais ha dezidiu trasladar a zelebrazion d'o
Diya Europeo d'as Fablas Minoritarias d'o 12 de abril ta o 1 de marzo,
no podendo asinas zelebrar-se iste ano, por no haber estau anunziau con
tiempo iste cambeo. Sin dembargo se mantienen belunos d'os autos que be-
llas asoziazions en eban paraus: O Consello d'a Fabla Aragonesa ha feito
un cartel con un mapa d'Europa an bi amanixen todas as fablas minorita-
rias d'o continente, y o Ligallo de Fablans de l'Aragones fara la entrega
d'os premios "Arredol" o diya 7 de mayo (a las 20,30 oras en a cambra
"Goya" d'as Cortes d'Aragon en l'Aljaferia), que iste ano son ta Emilio
Gaston y a Comision de pulitica linguistica d'as Cortes Aragonesas, amas
tamien se i fara una charrada a cargo de Francho Nagore, con o tetulo "O
turismo y l'Aragones".

 PREMIO LITERARIO "ARNAL CAVERO".
A Conselleria d'Educazion y Cultura d'o Gubierno d'Aragon comboca os
premios "Arnal Cavero" y "Guillem Nicolau", a la creyazion literaria en
Aragones (en cualsiquiera d'as suyas bariedaz) y en Catalan d'Aragon. As
obras caldra presentar-las antis d'o 30 d'Abril en o rexistro cheneral
d'a D.G.A., u en os sebizios probinzials de Uesca o Teruel, y abran
d'estar ineditas en cualsiquier chenero literario, con una estension
minima de 100 fuellas, o 50 si ye poesia. A dotazion economica ta cada
premio ye 250.000 pztas., mas a publicazion d'a obra.

 CHORNADA DE CHIRMANDA DE L'ARAGONES.
O Consello d'a Fabla Aragonesa organiza o prosimo nueu de mayo, en Sari-
nena, a 8ena. Chornada de Chirmanda de l'Amostranza de l'Aragones, con
a cuala se dan por remataus os cursos d'aragones que o Consello fa por
tot l'Alto Aragon. En o rezinto ferial d'ista localida se faran dibersos
autos seguntes o programa benien: A las 11 oras, chuegos tradizionals
aragoneses, a las 13 oras, entrega de diplomas a os escolanos d'os cursos
y discursos d'as autoridaz, a las 13,30 bermu y a las 14 oras chenta de
chirmanda, y sobremesa con lamins tipicos y cantas espontaneas. Ta apun-
tar-se-ie cal gritar t'o 974 22 47 16 antis d'o 30 d'Abril (u por facs,
dica o 2 de mayo), o pre ye 1700 pztas.

-------------------------------------------------------------------------
 POR OS CAMINS D'ARAGON (4) "O Sobrepuerto:Oliban-Berbusa"   Chorche Diaz
-------------------------------------------------------------------------
 O Sobrepuerto ye una redolada, an que os lugars son por denzima d'os
1200 m., prou intresan dende l'aspeuto etnoloxico y filoloxico; y que
amonico imos a ir beyendo en prosimos lumeros.
 Antis d'empezipiar, prou que estaria millor besitar o Museu Angel
Orensanz de Samianigo, ta tener una chicorrona ideya d'a sabor d'a dura y
aislada bida en ixos lugars.
 Dentrando por Oliban, y marchando por a PR-3, pasaremos o Bco. d'Oliban
y continaremos dica l'esbarre de Susin que ba por l'antiga marradeta
d'antis mas, entre una polida selba.
 Ta Susin -lugar bien apanadet- plegaremos en bels 40'. En el cal beyer
as dos casas d'o lugaron con os suyos escudos en as portaladas dobeladas,
finestras y chamineras, carreras de ruellos y bordas, amas d'una ilesia
de trazas romanicas serrablesas. Ista ye d'una nabe con pinturas
romanicas (museu de Chaca) y antigo abside semizircular con arcos murals
y friso de baquetons, asinas como una bentaneta con arcos de ferradura y
torre d'o XVII. Una bez bisto tot, dentramos en o sobrepuerto por o camin
d'a ilesia, dixando dezaga una chiqueta armita.
 En 20' plegaremos ta l'esbarre de Berbusa (por o camin biello). Ye meso
de tot en una selba y se fa difizil dentrar-ie. Cuasi no queda cosa en
iste lugar de carboners, solo que bella graniza borda una casa y a
escuela. Lastima.
 Dende asti continaremos t'Ainielle, pero ixo lo dixamos t'atro diya.

(El Sobrepuerto es una comarca, cuyos pueblos estan por encima de los
1200 m, bastante interesante desde el aspecto etnografico y filologico;
y que poco a poco vamos a ir viendo en proximos numeros.
 Antes de empezar, seria mejor visitar el Museo Angel Orensanz de
Samianigo, para tener una pequena idea del sabor de la dura y aislada
vida en aquellos lugares.
 Entrando por Oliban, y marchando por la PR-3, cruzaremos el Bco. de
Oliban y seguiremos hasta el desvio de Susin, que va por el antiguo
sendero, entre un hermoso bosque.
 A Susin -pueblo bien conservado-, llegaremos en unos 40'. En el, hay que
ver las dos casas del lugar con sus escudos en las puertas doveladas,
ventanas y chimeneas, calles empedradas y bordas, ademas de su iglesia
de estilo romanico serrables. Esta formada por una nave, con pinturas
romanicas (museo de Chaca) y antiguo abside semicircular con arcos
murales y frisos de baquetones, asi como una ventana con arcos de
herradura y torre del XVII. Una vez visto todo,entramos en el Sobrepuerto
bajando por el camino de la iglesia, y dejando atras una pequena ermita.
 En 20' llegaremos al desvio de Berbusa (por el camino viejo), que esta
inmersa en la vegetacion y se hace dificil entrar. Casi no que da nada
de este pueblo de carboneros (solo alguna desproporcionada borda, una
casa y la escuela). Lastima.
 Desde aqui continuaremos hacia Ainielle, pero eso lo dejamos para otro
dia).

-------------------------------------------------------------------------
 POESIA
-------------------------------------------------------------------------
  Dende fa unas anadas              /  Y asinas con el miedo
 esta grisa la tierra,              / bebim... Pa els nuestros fillos
 las colors de la lluz              / dexam de perbebir
 s'han afumau en el aire.           / arrematar el mundo.
 Lluego no i n'abra cosa,
 lluego no i n'abra naide.          /  ...Miedo a beber-ie augua
                                    / miedo a alentar-ie aire
  La tierra s'empobreze,            / miedo a minchar cualcosa,
 se fan grans los desiertos,        / miedo a que to mos mate.
 la mar s'ha emponzonau,
 y se forada el aire.               /  Pa mosegar la mano
  Lluego no i n'abra cosa,          / que de comer mos daba,
 lluego no i n'abra naide.          / pa matar ixa mare
                                    / en la que toz tetabam,
 "El ombre llobo del ombre"         / pa malmeter la tierra
 diba uno qu'el sabeba.             / que ben mos sostentaba,
 Llobo tame del mundo,              / tantisma enteligenzia
 no busquez otra bestia.            / no mos i feba falta.
  Rei Midas trabesero
 fa fiemo lo que toca,              /  Dende fa una anadas
 one posa la zarpa                  / esta grisa la tierra,
 tresbate, estrozia, emporquia.     / las colors de la lluz
                                    / s'han afumau en el aire.
  Dende fa unas anadas              / Lluego no i n'abra cosa,
 esta grisa la tierra.              / lluego no i n'abra naide.
 Lluego no i n'abra naide,
 lluego no i n'abra cosa.
                                          Ana Tena Puy.

-------------------------------------------------------------------------
 ZAGUERAS PUBLICAZIONS
-------------------------------------------------------------------------
-"Bocabulario d'o Semontano de Balbastro (de Salas Altas y a redolada)"
 (Paz Rios Nasarre, ed. Consello d'a Fabla Aragonesa)
-"Carlons y Carneta" (materials didauticos ta ninos, Nuria Aragones y
 Irene Seira, ed. D.G.A.)
-"Cuan l'ordio esbatega pel aire" (Carmen Castan, ed. D.G.A.)
-"Autas d'as 1as. Chornadas sobre a Traduzion" (ed. Gara d'Edizions y
 l'Instituto de Estudios Altoaragoneses).

-------------------------------------------------------------------------
 MENSACHES CURTOS
-------------------------------------------------------------------------
-O Zentro Rural d'Inobazion Educatiba de Teruel en Alcorisa ha inagurau
a suya paxina web, incluyindo-ie una bersion en aragones, en l'adreza
http://adigital.pntic.mec.es/~crietalc/

-L'Instituto "Pedro de Luna" de Zaragoza (Carrera Unibersida, bico d'a
Magdalena) organiza una esposizion de libros y rebistas en aragones,
que podra bisitar-se-ie dica o diya 30 d'Abril, en orario de 11 a 13,30
y de 18 a 20,30 oras.

-En a cambra "Hermanos Bayeu" d'a siede d'o gubierno aragones (edifizio
Pignatelli, Paseo Maria Agustin,36, de Zaragoza), se presenta una
esposizion sobre chuegos y deportes tradizionals aragoneses, organizada
por o Museu de Campo, que bi sera dica o 4 de Mayo.

-Os "Titiriteros de Binefar" autuaran en o Zentro Cultural Delizias de
Zaragoza (Abda. Nabarra, 54) os diyas 30 d'Abril y 1 de Mayo, (a las 21
oras, pre 800 pztas.) con a suya obra "Almogabars", estando l'autuazion
d'o diya 1 de Mayo en Aragones.

-O diya 4 de chunio se fara en l'Auditorio de Zaragoza, o conzierto de
presentazion d'o disco-libro de Angel Vergara y cia. "Falordias de Jugla-
res", editau por o Ligallo de Fablans de l'Aragones.

-L'Asoziazion Cultural Nogara organizara una escursion ta Echo, os diya
23 y 24 de mayo. Podez informar-tos-ne gritando de tardis a o 976 390708.

-O conzello de Benas ha incluyiu en o concurso literario que fa, dos
premios ta poesias y narrazions en aragones benasques. Os premiaus d'ista
edizion son: En narrazion, Carmen Castan (1er. premio) con "Dos cuentos
allum de las tiedas" y Jesus Cardona (azesit) con "La neu u les baques",y
en poesia (1er. premio execuo) Jose A. Saura por "Gris" y Ana Lloret por
"Per aixo gue amaitino", y Raul Gabas (azesit) con "Espurnes del temps".

-Tos informamos de l'orario d'a botigueta d'o Ligallo de Fablans de
l'Aragones, an podrez trobar cualsiquier libro u material en aragones
que'n queraz: Martes y chuebes de 20,30 a 22 oras y miercols de 11 a
13 oras (Coso 158, 3er. cucha, Zaragoza).
_________________________________________________________________________

Colaboran en iste lumero: Chorche Diaz, Daniel Gonzalez.
_________________________________________________________________________

              COLLA UNIBERSITARIA POR L'ARAGONES (C.U.A.)
          Edifizio Interfacultaz, Pedro Cerbuna 12, 50009 Zaragoza
                  E-mail: 181991@cienz.unizar.es
_________________________________________________________________________