Numero 22 (estiu 2001)

NOTIZIAS

O PROYEUTO DE LEI, TA L'AGÜERRO
O diya 16 de mayo se remató o periodo d'informazión publica de l'abamproyeuto de Lei de Luengas d'Aragón. Dende ixa calendata o Gubierno d'Aragón ha puesto estudiar as alegazions presentadas, y adempribiar-las u refusar-las seguntes considere conbenién, y asinas elaborar o proyeuto de lei que ha de presentar a tramitazión parlamentaria. Sin dembargo, y una begada rematau o periodo de sesions en as Cortes d'Aragón, ixe prozeso d'elaborazión d'o proyeuto de lei encara no ye rematau, probablemén debíu a o gran numero d'alegazions presentadas (3.144, a más gran parti faborables a l'abamproyeuto) y a la intinzión d'o consellero de cultura de contestar-las todas. Asinas pues, caldrá asperar dica setiembre ta conoxer o conteníu d'o proyeuto de lei y que empezipie o debate parlamentario.
(Remeramos que o testo de l'abamproyeuto puede consultar-se en a web d'a CUA: http://www.unizar.es/colla ).

REUNIÓN D'A PLATAFORMA EN FRAGA
O pasau 1 d'abril se zelebró en Fraga a zaguera reunión d'a "Plataforma ta la Esfensa d'as Fablas Minoritarias d'Aragón". L'auto estió un monografico sobre l'abamproyeuto de Lei de Luengas d'Aragón, que estió analizau y debatíu. Se plegó a l'alcuerdo d'adempribiar o testo como alazet de treballo, pero redautando una serie d'alegazions ta amillorar-lo. A la fin s'alcordón un total de 72 alegazions y que estión presentadas ta o Gubierno d'Aragón en o periodo d'informazión publica (qui quiera una copia d'as mesmas puede demandar-las en a secretaría d'a Plataforma: Trestallo postal 147, 22008 Uesca, tel.: 974224716).

ZAGUERAS PUBLICAZIONS

-"El biache" (Toni Collada, ed. Conzello de Balbastro)
-"O crimen d'as tres fes" (Ramón J. Sender, ed. Gara d'Edizions)
-"Rebelión en Torre Animal" (George Orwell, ed. Gara d'Edizions)
-"Feitos y chens. 20 añadas de lo Güello de Lo Foratón" (José Lera)
-"O Manantial de Sietemo V (1999)" (barios autors, ed. Consello d'a Fabla Aragonesa)
-"Cuentos pa biladas sin suenio" (Ana Tena Puy, ed. Consello d'a Fabla Aragonesa)
-"Abenta-las ta la mar" (Cristina Laguarta y Zésar Biec, ed. Consello d'a Fabla Aragonesa)
-"O furtaire d'estrelas" (Alejandro Ostalé y Pablo Olibán, ed. Consello d'a Fabla Aragonesa)
-"A broxa" (barios autors, ed. Consello d'a Fabla Aragonesa)
-"Apelatibos, faltadas y finezas barias" (Azagra y A. Gil, ed. Iniciativa Aragonesa)

PREMIOS LITERARIOS

V PREMIO "O GUA" DE FALORDIAS E NARRAZIONS TA NINOS/AS
O Consello d'a Fabla Aragonesa fa o clamamiento d'o V Premio de falordias e narrazions ta ninos/as "O Gua", correspondién a l'año 2001, que se reglará por as normas siguiens:
1-O premio se fa cada tres añadas. Iste ye o zinqueno clamamiento e corresponde a l'año 2001.
2-Os treballos que se i presenten serán ineditos e pueden estar un solo cuento u falordia, u bien diferens narrazions curtas.
3-Podrán estar escritos en cualsiquier bariedá de d'aragonés, pero en toz os casos, siguindo correutamén as normas graficas de l'aragonés.
4-As falordias u narrazions serán ta ninos e ninas, mozez y mozetas de 6 ta 12 añadas. Se balurará muito espezialmén o carauter didautico, asinas como l'achustamiento d'o bocabulario e as construzions a ra edá.
5-L'amplaria d'o testo d'os treballos será d'entre 20 y 50 fuellas a maquina u ordinador, a dople espazio (entre 50.000 y 125.000 carauters).
6-Os treballos podrán lebar debuxos (a una tinta, d'amplaria 12x17 zm. u proporzional a ixas midas). Anque no ye obligatorio, ya que se trata de narrazions ta ninos e ninas, ye muito consellable que biengan con debuxos. O churato balurará a suya calidá e conchunzión con o testo.
7-Os treballos podrán estar feitos por una sola presona u por barias.
8-Os treballos s'endrezarán ta: Consello d'a Fabla Aragonesa, trestallo postal 47, 22080 Uesca. En os treballos no se i meterá o nombre de l'autor u autora. S'achuntará una carpeta zarrada, con o tetulo en o esterior, drento d'a que se cuaternarán os datos de l'autor u autora, u autors u autoras (espezificando-bi quí ha feito ro testo e quí os debuxos).
9-O plazo d'entrega d'orichinals rematará o 30 de setiembre de l'añada 2001.
10-A dezisión d'o churato, que ye inapelable, asinas como a suya composizión, se ferá publica en o mes d'otubre de l'año 2001.
11-O premio consistirá en a edizión d'a obra ganadera e un premio en metalico de 100.000 pezetas (601,01 euros). A edizión, con un minimo de 500 exemplars, se ferá d'alcuerdo con as normas graficas de l'aragonés, emologatas en abril de 1987, por a editorial Publicazions d'o Consello d'a Fabla Aragonesa. As obras no premiatas quedarán en propiedá d'o Consello d'a Fabla Aragonesa de no meyar demanda en cuentra por parti de l'autor u autora drento d'o plazo d'un mes dende que se faiga publica ra dezisión de o churato.
12-O churato podrá no atorgar o premio a denguna de as obras presntatas u atorgar bel aczésit, si lo creye combenién. O feito de partizipar en iste premio presuposa l'azeutazión d'istas normas de partizipazión.

CONCURSO DE CUENTO INFANTIL "CIUDAD DE MONZÓN 2001"
1-Podrán participar en este concurso todos los autores, cualesquiera que sea su nacionalidad, que presenten cuentos infantiles originales inéditos escritos en castellano o aragonés.
2-El tema será libre. El texto deberá ser inédito y no deberá encontrarse participando en cualquier otro tipo de eventos mientras este certamen no concluya.
3-Los trabajos deberán presentarse por triplicado, impresos o mecanografiados por una sola cara a doble espacio. La extensión no ha de ser inferior a diez páginas ni superior a veinte páginas. Se remitirán a Patronato Municipal de Cultura, Plaza Mayor 4, 22400 Monzón (Uesca), indicando en el sobre: "Concurso cuento infantil Ciudad de Monzón 2001"
4-La dotación de los premios se establece de la siguiente manera: Cuento en castellano 200.000 ptas., cuento en aragonés 200.000 ptas.
5-Los textos deberán firmarse con seudónimo, siendo indispensable que, en sobre aparte y cerrado figure el seudónimo en el exterior y en el interior, nombre, apellidos y dirección del autor, teléfono y fotocopia del DNI.
6-El plazo de admisión de trabajos finalizará el 1 de septiembre del año 2001. Los envíos se harán exclusivamente por correo y la fecha del matasellos indicará la remisión dentro del plazo marcado.
7-La composición del Jurado será nombrada al efecto. Dicho Jurado completará con su criterio las omisiones o dudas que pudiera plantear la interpretación de estas bases.
8-El texto ganador quedará a disposición del Patronato Municipal de Cultura a efectos de ilustración y publicación.
9-Las obras que no hayas sido premiadas podrán ser retiradas durante la segunda quincena del mes de diciembre, fecha a partir de la cual se destruirán las no retiradas.
10-La participación en este concurso supone la total aceptación de sus bases.

III TROBADA D'ESTUDIOS E RECHIRAS ARREDOL DE L'ARAGONÉS

A Demba de Luenga y Literatura de l'Instituto d'Estudios Altoaragoneses, con a colaborazión d'o Consello d'a Fabla Aragonesa y o Zentro de Profesors y Recursos de Uesca, organizan a "III Trobada d'estudios e rechiras arredol de l'Aragonés e a suya literatura", que se ferá en Uesca y Alquezra entre o 17 y o 20 d'otubre d'o 2001. O plazo d'inscrizión remata o 28 de setiembre. O programa definitibo se ferá publico en setiembre d'o 2001. Ta recullir más informazión u inscribir-se-ie: III Trobada d'estudios e rechiras arredol de l'aragonés e a suya literatura, Instituto d'Estudios Altoaragoneses, carrera d'o Parque, 10, 22002 Uesca, (u en a rebista "Fuellas" lum.140).

Ramón J. Sender, naxió en Alcoleya d'a Zinca en 1902, ye uno d'os escritors más internazionals d'Aragón, y encluye en bels libros suyos parolas que ufren a reyalidá trilingüe aragonesa. A continazión se meten exemplos de dos libros:
-Requiem por un labrador español / Requiem por un campesino español:
Esplica que senifican os tons d'os zimbels d'a ilesia en un baltizo: "no es nena, que es nen; no es nena que es nen" u "no es nen, que es nena; no es nen que es nena", y dimpués dize que como o lugarón ye amán de Lleida, dizen parolas catalanas. En iste libro, un mozet feba "fuinetas" y le daban estampas de "colors". Bi ha muitas otras parolas aragonesas como: "birlas, sentir-se, rosada, tempero, puyaban, ...", y aragonesismos castellanizatos como "dijenas, concencia, planteros, ...".
-As Treserols / Las tres Sorores:
En iste libro mete unas coplas de l'Alto Aragón: "Muller d'abaixo, con home d'arriba, casa abaixo", "Muller d'arriba, con home d'abaixo, casa arriba". Tamién bi ha unos que feban "morisquetas".

O Gubierno d'Aragon ha meso en a dentrada de toz os lugars d'o Semontano de Balbastro cartelons do endican o más importán de cada lugar (de que sieglo ye a ilesia, si ye un lugar "pintorenco" y prou majo ta fer fotos, si tien camping, ...). Suerte de a mateta que s'han alcordau que El Grado ye tamién Lo Grau, y bi meten primero El Grado y debaxo y mas chicorrón Lo Grau.
Pero, ¿por que no tien a mesma grandaria o toponimo aragonés que o castellán?, ¿ye menos importán a luenga aragonesa que o castellán?. Agora que prenzipian a reconoxer bels dreitos a os aragonesofablans, reyalmén ya los marguinan. A lo pior bi ha que tornar a la "guerra d'os cartels" en puesto d'a la "guerra d'as banderas" de fa ya muitas añadas. Tamien ye una pena de que no aigan aprofeitato ta meter toz os nomes bilingües, y más cuan parixe que a Lei de Luengas ye amán. Pero a lo menos remera que si t'amanas ta Castillazuelo en o Somontano, toz os cartelons d'as carreras son en aragonés.

MENSACHES CURTOS

O Lupo ye un boletín de baldes. Ta recullir-lo u dar-se de baxa no cal que nimbiar un mensache ta la nuestra adreza indicando-lo. S'adempribian socherenzias y colaborazions.
(O Lupo es un boletín gratuito. Para recibirlo o darse de baja tan sólo hay que enviar un mensaje a nuestra dirección indicándolo. Se aceptan sugerencias y colaboraciones).

Colaboran en iste numero: Fernando Sánchez, César Matías, Daniel González.