_________________________________________________________________________

           XXXX          XX      XX  XX  XXXXX    XXXX
          XXXXXX         XX      XX  XX  XXXXXX  XXXXXX
          XX  XX         XX      XX  XX  XX  XX  XX  XX
          XX  XX         XX      XX  XX  XXXXXX  XX  XX
          XX  XX         XX      XX  XX  XXXXX   XX  XX
          XX  XX         XX      XX  XX  XX      XX  XX
          XXXXXX         XXXXXX  XXXXXX  XX      XXXXXX
           XXXX          XXXXXX   XXXX   XX       XXXX
_________________________________________________________________________

          BOLETIN D'A COLLA UNIBERSITARIA POR L'ARAGONES
                 FANZINE ELEUTRONICO EN ARAGONES
_________________________________________________________________________
 

                              Numero 12 (nobiembre-abiento 98-chinero 99)

-------------------------------------------------------------------------
 NOTIZIAS
-------------------------------------------------------------------------

 O GUBIERNO D'ARAGON NO PRESENTA GARRA LEI
Encara que os partius politicos que forman o gubierno d'Aragon, eban
manifestau o suyo compromis de presentar un proyeuto de lei de luengas
antis de cabo d'ano, en l'inte de fer ista informazion no en ha presentau
denguno. A o respeutibe, o deputau Chesus Bernal (CHA) fazio o pasau 20
de nobiembre una pregunta a o presiden Santiago Lanzuela (PP), dentro d'a
sesion de control parlamentario, sobre os motibos por os que o gubierno
ha incumpliu o Ditamen d'a Comision Espezial de Politica Linguistica,
feito que Lanzuela chustifico porque seguntes el "las cosas no estan
claras". En cualsiquier caso, ista lei no respetaria ni o Ditamen ni o
testo alcordau en a comision de treballo DGA-Plataforma (beyer O Lupo
num. 11), y a suya aprebazion en ista lexistatura, por custions de
tiempo, ya ye prauticamen imposible.

 MANIFIESTO POR OS DREITOS LINGUISTICOS
O pasau 4 d'abiento, en a siede d'o Rolde d'Estudios Aragoneses, se i
presento un manifiesto por os dreitos linguisticos en Aragon, refirmau
por deziseis asoziazions culturals, cuasi todas perteneziens a la
Plataforma ta la Esfensa d'as Fablas Minoritarias d'Aragon. Iste
manifiesto se presento coinzidindo con o 50 cabo d'ano d'a Declarazion
Unibersal d'os Dreitos Umans y o 20 cabo d'ano d'a Constituzion espanola,
y se i demanda o cumplimiento d'as mesmas en a suya demba linguitica y a
fin d'a discriminazion linguistica en Aragon. O testo completo puede
leyer-se contino.

-------------------------------------------------------------------------
 MANIFIESTO
-------------------------------------------------------------------------
Las asociaciones culturales firmantes de este manifiesto, en los
aniversarios de la Declaracion Universal de los Derechos Humanos y de la
Constitucion espanola, conscientes de que la diversidad linguistica es un
patrimonio que toda comunidad humana debe preservar, poniendo los medios
necesarios para evitar su deterioro o perdida, y preocupadas por la grave
situacion en la que se encuentran el aragones y el catalan, las dos
lenguas minoritarias de nuesta Comunidad Autonoma, manifiestan a la
opinion publica que:
La Declaracion Universal de los Derechos Humanos establece la prohibicion
de discriminacion, entre otras cuestiones, por el idioma, y reconoce el
derecho de la persona a formar parte libremente de la vida cultural de la
comunidad utilizando su propia lengua. Esta Declaracion integra el
derecho interno espanol, no solo en cuanto a los derechos expresamente
reconocidos en ella, sino como referencia interpretativa de los derechos
fundamentales contenidos en la Constitucion.
Por su parte, la Constitucion Espanola en su preambulo contiene un
principio basico que exige "proteger a todos los espanoles y pueblos de
Espana en el ejercicio de los derechos humanos, sus culturas y
tradiciones, lenguas e instituciones", y en su articulo 3 declara la
oficialidad de las lenguas distintas del castellano en sus respectivas
Comunidades Autonomas.
Ademas, hay una serie de derechos fundamentales reconocidos por la
Constitucion en los que podemos encontar un contenido linguistico: el
derecho a la igualdad, en el que se prohibe la discriminacion o trato de
inferioridad por cualquier circunstancia personal o social (que incluye
la lengua); el derecho a la educacion que lleva implicito la
incorporacion obligatoria a los planes de ensenanza de las lenguas
propias de las Comunidades Autonomas, y la libertad de expresion en la
que esta universalmente reconocido que se protege tambien la libertad de
eleccion de la lengua con la que se transmite el mensaje.
El articulo 7 de nuestro Estatuto de Autonomia establece que las lenguas
propias de Aragon gozaran de proteccion y se garantizara el derecho de
los hablantes en la forma que establezca una ley de Cortes.
Desde esta perspectiva las Cortes de Aragon aprobaron el pasado ano un
Dictamen en el que exigia al Gobierno de Aragon la presentacion, antes
del 31 de diciembre de 1997, de una Ley de Lenguas que, partiendo de la
cooficialidad del aragones y del catalan en las zonas de uso,
desarrollara el articulo 7 del Estatuto de Autonomia.
En estos dias en que se conmemoran oficialmente en Aragon los
aniversarios de la Declaracion Universal de los Derechos Humanos y de la
Constitucion espanola es el momento idoneo para dejar resuelto el
problema que plantea la discriminacion (contraria a estas dos normas
fundamentales) que sufren los aragoneses que hablan aragones o catalan,
para quienes los Derechos Humanos y, por ende, los Derechos Fundamentales
en esta materia, se vulneran sistematicamente.

-------------------------------------------------------------------------
 PREMIOS LITERARIOS Y CONCURSOS
-------------------------------------------------------------------------
-Ambito Cultural-El Corte Ingles y Editors Asoziatos combocan o Primer
Premio "Abril" de narratiba ta chobens. As obras podran estar escritas en
castellano, catalan, gallego, basco, asturiano y aragones, abran d'estar
ineditas, endrezadas a leutors entre 12 y 16 anos y tendran una amplaria
d'entre 80 y 150 fuellas (por una cara y a doble espazio). A dotazion d'o
premio, que no podra quedar desierto, ye de tres millons de pezetas, mas
a publicazion d'a obra ganadera. Os orixinals caldra nimbiar-los por
septuplicau ta Ambito Cultural, Hermosilla, 112, 28009 Madrid si son en
castellano y ta Xordica, trestallo postal 1536 50080 Zaragoza si son en
aragones, indicando en o sobre "I Premio Abril de narratiba ta chobens".
O plazo d'almision remata o 11 de Chinero d'o 99 y o fallo se fara
publico o 28 d'abril. Os regles completos pueden demandar-sen en
Editorial Xordica,  Hernan Cortes, 32, esc. 1, 8 B, tel.: 976 210259 u en
xordica@mail.sendanet.es

-O Consello d'a Fabla Aragonesa comboca o Premio Internazional de nobela
curta "Chuse Coarasa". As obras abran d'estar escritas en aragones (en
cualsiquier barieda) y tendran una amplaria d'entre 50 y 150 fuellas (por
una sola cara y a doble espazio). O premio ye dotau con 100.000 pezetas y
a publicazion d'a obra por a editorial Publicazions d'o Consello d'a
Fabla Aragonesa. O plazo d'almision remata o 30 de setiembre de 1999. Os
regles completos se publicaran en a rebista "Fuellas" u pueden demandar-
sen en o Consello d'a Fabla Aragonesa, trestallo 147 22080 Uesca.

-A Colla Folklorica "Santa Cecilia" fa o clamamiento a o VI Concurso de
Rechira Etnografica Aragonesa "Santa Cecilia". Os treballos podran estar
escritos en castellano u aragones, y trataran sobre cualsiquier aspeuto
d'a cultura popular y o folkclore aragones, con una amplaria masima de 50
fuellas. Caldra nimbiar os treballos por triplicau ta Agrupacion
Folklorica "Santa Cecilia", VI Premio "Santa Cecilia", trestallo postal
176 22080 Uesca (an tamien se puede solizitar os regles), antis d'o 31
d'otubre de 1999. Bi abra un primer premio de 80.000 pztas. y diploma y
una azesit de 20.000 pztas. y diploma, podendo-se atamas publicar as
obras premiadas.

-------------------------------------------------------------------------
 ZAGUERAS PUBLICAZIONS
-------------------------------------------------------------------------
-"O bollo d'os biernes" (Patxi Zubizarreta, ed. Xordica)
-"Mila ba ta la escuela" (Teresa Duran, ed. Xordica)
-"Parolas maxicas" (Pablo Prestifilippo, ed. Xordica)
-"Long live rock'n'roll y atras basemias" (Carlos Diest, ed. Xordica)
-"As fiestas d'A Buerda" (Mariano Coronas, ed. O Gurrion)
-"Cosas d'antis mas d'Arguis y redolada" (Lorenzo Cebollero, ed. Consello
  d'a Fabla Aragonesa).
-"Loro d'a mar" (ed. Rolde Aragones de Barzelona).

-------------------------------------------------------------------------
 DOMINANZAS                                    replegadas por Oscar Lerin
-------------------------------------------------------------------------
1-En un corral de crapas royas
  entra la luna e las saca totas
  que ye?

2-Cuan ba ta'l mon ba farteta
  y cuan torna ta casa ba laseta,
  que ye?

3-Una guela corrusqueta
  y en el cul una estaqueta.

4-Rechira la conchira, rechira-la con sal
  que per mes que la rechires, no'n i abra prou sal.

5-Sabana blanca, de fil no ye
  tot lo cubre, e el rio no.

(Soluzions: 1-La pala del forno de pan, 2-La bota'l bin, 3-La oliba, 4-El
rio, 5-La nieu).

-------------------------------------------------------------------------
 MENSACHES CURTOS
-------------------------------------------------------------------------
-O rechirador espanol de paxinas d'internet "Ole", permite trigar as webs
seguntes a suya luenga (castellano, catalan, gallego, basco, asturiano y
portuges), pero no i amanixe l'aragones. Fe-les plegar a tuya protesta ta
info@ole.es

-As clases d'aragones que se abrian de fer en as escuelas publicas de
Benas, seguntes l'alcuerdo entre a DGA y o conzello d'ista localida, iste
curso encara no han empezipiau. Con tot y con ixo, tot parixe indicar que
en chinero si comenzipiaran.

-Nuebas adrezas d'internet en aragones:
Consello d'a Fabla Aragonesa: http://www.geocities.com/Athens/Styx/6828
Programa de radio "En el claro de la luna": http://www.lanzadera.com/claroluna
Grupo juvenil cristiano "HORA-3":
http://www.geocities.com/Athens/Agora/9306/h3a-arag/mh3a.htm
Editorial de la Escuela de Verano de Aragon:
http://platea.pntic.mec.es/~jnavarro/llevame.htm

Otras adrezas d'intres: Paxina sobre l'aragones de RedAragon (feita por o
Ligallo de Fablans de l'Aragones):
http://www.redaragon.com/servicio/cultura/fabla/index.htm
Revista "El Gurrion" de A Buerda:
http://www.staragon.com/elgurrion/default.html
Web de la musica tradicional aragonesa:
http://www.geocities.com/Paris/Arc/7113/

-O Rolde d'Estudio Aragoneses organiza un curso d'aragones, que
empezipiara en chinero y se fara en l'academia Oposbank (C/. Refugio, 8,
Zaragoza). Ta informar-se-ne clamar ta o 976 28 02 24.

-CIOFF Espana comboca becas de rechira en folkclore (baile, danza y
mosica popular) de cualsiquiera d'as culturas de l'estau. A dotazion
economica ye de 75.000 pztas. y o plazo ta demandar-la remata o 30
d'abiento. Mas informazion en CIOFF Espana, C/. Aflijidos, 4, 2o., 06002
Badajoz. Tel.: 924 24 37 46.

-O Consello d'a Chobentu d'Aragon ha empezipiau una nueba campana
informatiba "Aragon es trilingue", con a intinzion de "conzenziar d'a
reyalida trilingue d'Aragon y fer desaparixer as muestras d'intoleranzia
cheneradas por a innoranzia d'ista reyalida plural (...)".

-Os prosimos 26 y 28 d'abiento (a las 19,30 oras), se zelebraran dos
conziertos de La Orquestina del Fabirol en o Zentro Zibico Delizias de
Zaragoza, interpretando-se-ie o repertorio d'o disco "Albada del
nacimiento". O pre son 500 pztas.

-O Ligallo de Fablans de l'Aragones y o Consello d'a Chobentu d'Aragon
organizan, entre o 24 y o 27 d'abiento una muestra d'a tradizional
"Tronca de Nadal", que se fara en a plaza d'o Pilar de Zaragoza, entre as
17 y as 20,30 oras.

-O "Cafe Universal" de Zaragoza (Fernando el Catolico, 32, tel.: 976
351305) organiza os biernes a las 22,30 unas tertulias poliglotas, con
roldes de conbersazion en diferens fablas, abendo-ne uno en aragones.

-O diya 6 de nobiembre se presenton en a siede d'o Chustizia d'Aragon en
Uesca doszientas quexas, en defensa de l'aragones y ta demandar a
presentazion d'a lei de luengas d'Aragon.

-A Colla Unibersitaria por l'Aragones, debiu a las fiestas de Nabida y a
la reyalizazion d'os desamens parzials, dixara de fer as suyas reunions
semanals y as audizions d'a programazion en aragones de Radio Sobrarbe
dica meyaus de febrero, ya tos informaremos d'o diya en que tornan a fer-sen.

-A editorial Gara d’Edizions ye estada requiesta por o "Musee de
Saint-Exupery et du Petit Prince" de Hakone (Xapon) ta colaborar en a
suya esposizion permanen. En ista esposizion aparixeran exemplars d'a
bersion en aragones de "O Prenzipet", y a editorial ha demandau que a o
canto amanixca una esplicazion sobre que ye l'aragones, an se localiza, etz.

-Una curiosida: En a esposizion "El legado de Roma" que se ha feito en o
palazio d'a Lonxa de Zaragoza, se i podeban beyer religadas romanas de
mas de 2.000 anos d'antigueda.
________________________________________________________________________

O Lupo ye un boletin de baldes, ta suscribir-se u dar-se de baxa no cal
que nimbiar un mensache ta la nuestra adreza indicando-lo.
(O Lupo es un boletin gratuito, para suscribirse o darse de baja solo hay
que enviar en mensaje a nuestra direccion indicandolo).
_________________________________________________________________________

              COLLA UNIBERSITARIA POR L'ARAGONES (C.U.A.)
          Edifizio Interfacultaz, Pedro Cerbuna 12, 50009 Zaragoza
                  E-mail: 181991@cienz.unizar.es
_________________________________________________________________________