Lupo 11

_________________________________________________________________________

           XXXX          XX      XX XX XXXXX    XXXX
          XXXXXX         XX      XX XX XXXXXX XXXXXX
          XX XX         XX      XX XX XX XX XX XX
          XX XX         XX      XX XX XXXXXX XX XX
          XX XX         XX      XX XX XXXXX   XX XX
          XX XX         XX      XX XX XX      XX XX
          XXXXXX         XXXXXX XXXXXX XX      XXXXXX
           XXXX          XXXXXX   XXXX   XX       XXXX
_________________________________________________________________________

BOLETIN D'A COLLA UNIBERSITARIA POR L'ARAGONES
FANZINE ELEUTRONICO EN ARAGONES
_________________________________________________________________________

Numero 11 (Setiembre-Otubre 98)

-------------------------------------------------------------------------
NOTIZIAS
-------------------------------------------------------------------------

O PROYEUTO DE LEI DE LUENGAS NO SE TRAMITA
Encara que dende antis de l'estiu o gubierno d'Aragon tiene un testo de
proyeuto de lei de luengas, que estio alcordau entre representans d'a
Plataforma y d'o mesmo gubierno, no ha presentau ofizialmen a tramitazion
parlamentaria garra documento a o respeutibe. Isto suposa que si o
gubierno presenta a la fin bel proyeuto de lei, que d'atra man ha
asegurau que presentara antis de que remate l'ano, a suya aprebazion sera
difizil de reyalizar en ista lexislatura. Sobre ista custion s'en charro
en a reunion d'a Plataforma que se zelebro en Zaragoza o diya 21
d'otubre con l'asitenzia de representans d'as collas politicas
parlamentarias, y de la que s'informa mas t'abaxo.

MORIO RAFAEL ANDOLZ
O pasau 9 d'otubre fallezio en Uesca l'escritor, por toz conoxiu y
quiesto, Rafael Andolz. Andolz ha estau una presona prou importan en o
prozeso de recuperazion d'a fabla aragonesa y un gran dibulgador d'a
cultura aragonesa en cheneral, miembro d'o Consello d'a Fabla Aragonesa y
de l'Instituto de Estudios Altoaragoneses, treballo en muitas dembas, mas
que mas fendo rechiras en filoloxia y etnoloxia. Publico una ripa de
libros: l'impreszindible "Diccionario Aragones", "De curanderos,
pilamdores y sanadores en el Alto Aragon", "La aventura del contrabando
en Aragon", "El humor altoaragones (I y II)", "El bandido Cucaracha y
Puchaman de Lobarre", "Mosen Bruno Fierro y el gigante de Sallent", "El
nacer en Aragon", "El casamiento en Aragon", "La muerte en Aragon",
"Hechos y dichos del guinote", "Leyendas del Pirineo", "Cuentos del
Pirineo", "Fanlo", "El Pirineo, cuentamelo yayo" y "Los aragoneses".
Amas, como mosen que yera, tamien reyalizo buena cosa de ofizios
relixiosos en aragones. Dende asti o nuestro chiquet ricuerdo y omenache.

REUNION D'A PLATAFORMA EN ARAGUES DE LO PUERTO
O diya 6 de setiembre se fazio una reunion d'a Plataforma ta la Esfensa
d'as Fablas Minoritarias d'Aragon, en a localida d'Aragues de lo Puerto.
Se i fablo d'o silenzio d'a D.Ch.A. a o respeutibe d'a lei de luengas,
alcordando-se meter-se en coutauto con representans d'as collas politicas
ta charrar d'a nezesida de presentar ofizialmen o proyeuto de lei, y de
que se'n fable en o debate sobre l'estau d'Aragon. Tamien se i dezidio
prenzipiar a campana de sensibilizazion "Dreito a charrar/Charrar con
dreito" cuan a lei empezipie a suya tramitazion parlamentaria, y se
repason os autos proposaus. Amas, s'amostro o testo en aragones y catalan
de dos solizituz presentadas en a delegazion d'o gubierno, con a
intinzion de que sigan adempribiadas y respondidas en a mesma luenga. Se
i proposo fer a prosima reunion en o mes d'otubre en Zaragoza.

REUNION D'A PLATAFORMA EN ZARAGOZA
O 21 d'otubre se reunio en Zaragoza a Plataforma ta la Esfensa d'as
Fablas Minoritarias d'Aragon, con a presencia de representans d'as collas
parlamentarias d'as Cortes d'Aragon. L'oxetibo yera fer un debate ubierto
y platero sobre a situazion d'o proyeuto de lei de luengas, y as
posibilidaz d'aprebar-lo en ista lexislatura. Os partius d'a oposizion
(PSOE, IU y CHA) i mostron o suyo refirme a o testo alcordau en a
comision de treballo entre D.Ch.A. y Plataforma, mientres que os partius
d'o gubierno (PP y PAR), manifeston o suyo compromis de presentar en iste
ano un proyeuto de lei. Manimenos a representan d'o PP afirmo que ixe
proyeuto no sera o testo alcordau en a comision de treballo, y tampoco no
mostro guaire bolunta de que se tramitase de traza rapeda.
Deban d'ista situazion, y bisto que en una presentazion inmediata d'o
primer testo por parti d'a oposizion no seria aprebau, a Plataforma
alcordo asperar a que PP y PAR presenten o proyeuto, y demandar a
presentazion d'enmiendas. Si PP y PAR no plagasen a un alcuerdo o 31
d'Abiento, se pediria a la oposizion a presentazion d'o testo d'a
comision de treballo, mirando-se d'aconsiguir o refirme d'o PAR (que
dimpuesas de cabo d'ano, ya no tendria o compromis de pautar o proyeuto
con o PP).

AS CORTES Y L'ARAGONES
O consellero d'educazion y cultura d'o gubierno d'Aragon ha contestau a
las preguntas parlamentarias que presento, en aragones, o deputau Chesus
Bernal (CHA) en o mes de chunio (beyer O Lupo 10). O consellero i
manifiesta que as clases d'aragones reyalizadas en bels lugars de l'Alto
Aragon son de carauter esperimental, y como a comunida no tiene encara as
competencias en ixa demba, no ye posible incluyir-las en os curriculums
d'os escolanos. Amas, informa que os conzellos de Samianigo y Monzon han
solizitau formalmen que se i den as clases en iste curso, pero no se
comprometio a enamplar as clases ta atras localizaz (sobre isto beyer a
informazion d'a conferenzia que organizara a Colla Unibersitaria por
l'Aragones). D'atra man, o deputau Manuel Escola (PAR) presento o 28 de
setiembre un atra pregunta, sobre as combocatorias de subenzions d'os
cursos d'aragones ta adultos. Tamien cal sinalar que as dos resoluzions
presentadas en o debate sobre l'estau d'Aragon (la una de IU y l'atra de
CHA), ta que o gubierno presentase a lei de luengas, no estion aprebadas.

PRESENTAU O ZENSO LINGUISTICO DE MONZON
O pasau 29 de chunio se presento en Monzon os resultaus d'o zenso
linguistico feito en ista localida entre a primabera de l'ano 97.
O zenso se reyalizo por profesors y alunnos d'a Escuela Unibersitaria
d'Empresarials, conto con a colaborazion d'o Consello d'a Fabla Aragonesa
y estio finanziau por o Conzello de Monzon. Os resultaus mostran que un
35% a poblazion charra aragones y un 34% catalan (ye dizir, o 14% charra
aragones, o 13% charra catalan y antimas o 21% charra as dos luengas).
Tamien s'en desprende que o 42,5% d'os montisonenses son faborables a
l'amostranza de l'aragones en os colexios publicos, y que o 49,3% piensa
que o conzello abria de prener midas d'empente de l'aragones.

-------------------------------------------------------------------------
REUNIONS D'A COLLA UNIBERSITARIA POR L'ARAGONES
-------------------------------------------------------------------------
A Colla Unibersitaria por l'Aragones fa una reunion semanal en a cambra
de coleutibos de l'edifizio Interfacultaz (en a cuatrena planta). Iste
curso son os biernes de 20 a 21 oras, si querez colaborar con nusatros,
informar-tos d'as nuestras autibidaz u solo que conoxer-nos, soz
combidaus a benir-ie, tos asperamos.

(La Colla Unibersitaria por l'Aragones realiza una reunion semanal en el
cuarto de colectivos del edificio Interfacultades (en la cuarta planta).
Este curso son los viernes de 20 a 21 horas, si quereis colaborar con
nosotros, informaros de nuestras actividades o solo conocernos, estais
invitados a venir, os esperamos).

-------------------------------------------------------------------------
CONFERENZIA
-------------------------------------------------------------------------
A Colla Unibersitaria por l'Aragones organiza una conferenzia ta dar a
conoxer a esperienzia reyalizada o curso pasau, con a introduzion de
clases d'aragones en os zentros publicos d'amostranza de bels lugars de
l'Alto Aragon. Ta fablar-ne, bi sera Zesar Biec Arbues, profesor
d'aragones en as escuelas de Chaca y presiden de l'Asoziazion d'o
Profesorau de Luenga Aragonesa (A.P.L.A.). Tos indicamos os datos d'a
mesma y tos animamos a que i baigaz.

DIYA:    Chuebes 12 de Nobiembre
ORA:     19,30 oras
PUESTO: Escuela de Maxisterio (Carrera San Chuan Bosco, 7. Zaragoza)
         Salon d'autos.

(La Colla Unibersitaria por l'Aragones organiza una conferencia para dar
a conocer la experiencia realizada el curso pasado, con la introduccion
de clases de aragones en los centros publicos de ensenanza de algunas
localidades altoaragonesas. Para hablar de ello estara Zesar Biec Arbues,
profesor de aragones en las escuelas de Jaca/Chaca y presidente de la
Asoziazion d'o Profesorau de Luenga Aragonesa (A.P.L.A.). Os Indicamos
los datos de la misma y os animamos a que acudais).

DIA:     Jueves 12 de Noviembre
HORA:    19,30 horas
LUGAR:   Escuela de Magisterio (Calle San Juan Bosco, 7. Zaragoza)
         Salon de actos.

-------------------------------------------------------------------------
CURSOS D'ARAGONES
-------------------------------------------------------------------------
A primers de nobiembre empezipian os cursos d'Aragones que, como cada
anada, organizan bellas asoziazions. Tos indicamos as carauteristicas de
cadaguno.
(A primeros de noviembre comienzan los cursos de Aragones que, como cada
ano, organizan algunas asociaciones. Os indicamos las caracteristicas de
cada uno).

Ligallo de Fablans de l'Aragones:
Se hara una presentacion el lunes 26 de octubre, a las 20,30, en el
Instituto Pedro de Luna de Zaragoza (barrio de La Magdalena).
Niveles: Iniciacion y perfeccionamiento.
Duracion: 75 horas (iniciacion) y 50 horas (perfeccionamiento)
Poblacion: Zaragoza
Horarios: Iniciacion:
    A- lunes y miercoles de 20,30 a 22 horas
          B- sabados de 10 a 13 horas
    Perfeccionamiento:
    A- lunes de 20 a 22 horas
    B- sabados de 11 a 13 horas
Precio: 9.000 ptas. (iniciacion), 4.000 ptas. (perfeccionamiento).
Informacion e inscripciones: 976 201012. Coso 158, 3ero. izda. Zaragoza

Asoziazion Cultural Nogara:
Niveles: Iniciacion y perfeccionamiento.
Duracion: 75 horas
Poblacion: Zaragoza
Horarios: A- martes y jueves de 20 a 21,30 horas.
B- sabados de 10 a 13 horas.
Precio: 8.000 ptas. (6.500 estudiantes y parados).
Informacion e inscripciones: 976 390708. Palafox s/n. Zaragoza
(de 19,30 a 21,30 horas)

Consello d'a Fabla Aragonesa:
Nivel: Iniciacion
Duracion: 60 horas
Poblaciones: Albalatiello, Balbastro, Benas, Billanueba de Galligo,
      Binefar, Chaca, Estadilla, Fonz, Graus, Monzon, Samianigo, Santa
       Lezina, Sarinena, Robres, Tardienta, Torla, Uesca.
Horarios (para Uesca):
    A- lunes y miercoles de 19,30 a 21 horas
    B- martes y jueves de 20 a 21,30 horas
Precio: 3.000 ptas.
Informacion e inscripciones: 974 224716. Plaza Conde de Guara,3, en Uesca
    y en los ayuntamientos de cada localidad.

Centro Aragones de Barcelona:
Niveles: Iniciacion y perfeccionamiento.
Duracion: 50 horas (iniciacion) o 25 (perfeccionamiento)
Poblacion: Barcelona
Horarios: Martes y jueves de 19,30 a 21 horas (iniciacion)
Miercoles de 19,30 a 21 horas (profundizacion).
Precio: 7.000 ptas. (socios 3.500).
Informacion e inscripciones:93 3175854. Joaquin Costa,68. 08001 Barcelona

-------------------------------------------------------------------------
ZAGUERAS PUBLICAZIONS
-------------------------------------------------------------------------
Libros:
-"O fosal Marino" (Paul Valery. Trad. Francho Nagore, ed. Consello d'a
Fabla Aragonesa)
-"Crestomatia de cuentos populars de la Ball de Benas" (Carmen Castan y
Jose Antonio Saura, ed. Asociacion Guayente)
-"Estudio linguistico del habla de la Baja Ribagorza Occidental" (Marisa
Arnal)

Discos:
La Ronda de Boltana, "Banderas de humo".
La Compania de Chesus-Vinoman (ed. Entalto-Crapula).
El Corazon del Sapo.

-------------------------------------------------------------------------
L'ARAGONES EN A RADIO
-------------------------------------------------------------------------
Istos son os orarios d'os programas de radio en aragones que conoxemos:
-"Charramos", Radio Huesca (1080 AM), sabados de 15,30 a 16 oras.
-"O Mirallo", Radio Ebro (Zaragoza, 105.2 FM), lunes de 21 a 22 oras.
-Radio Casco Viejo (Uesca, 102.5 FM), martes de 21 a 22 oras.
-Radio Sobrarbe (99.2 FM y 107.5 FM):
Resumen informatibo d'a redolada os chuebes de tardis.
Magazine cheneral os biernes de maitins.

Otros programas d'intres:
-"Boira preta", Radio La Granja (Zaragoza, 103.0 FM), chuebes de 23 a 24 oras.
-En o programa "La tarde de su vida" (COPE Zaragoza, 1053 AM), os lunes
de 19 a 20 oras, tornara luego a emitir-se-ie una colaborazion sobre
l'aragones, feita por o Ligallo de Fablans de l'Aragones.

-------------------------------------------------------------------------
AUDIZIONS
-------------------------------------------------------------------------
Dende o 13 de nobiembre, a Colla Unibersitaria por l'Aragones organiza
audizions d'o resumen informatibo semanal en aragones que s'emite en
Radio Sobrarbe. Gosaremos ascuitar istas grabazions os biernes a las
19,30 oras, en a cambra de coleutibos de l'edifizio intefacultaz d'o
campus de Zaragoza.

(Desde el 13 de noviembre, la Colla Unibersitaria por l'Aragones organiza
audiziones del resumen informativo semanal en aragones que se emite en
Radio Sobrarbe. Escucharemos estas grabaciones los viernes a las 19,30
horas, en el cuarto de colectivos del edificio interfacultades del campus
de Zaragoza).

-------------------------------------------------------------------------
MENSACHES CURTOS
-------------------------------------------------------------------------
-O semanario Siete de Aragon ha inagurau una nueba sezion, que aparixe
una semana par d'atra, con dos paxinas en aragones. Tamien o Diario del
Alto Aragon torna a publicar una paxina en aragones o zaguer chuebes de
cada mes.

-En o concurso de coplas en aragones combocau por o conzello de Zaragoza,
amas d'estar premiau Ricardo Morer Lison con o primer premio, como ya tos
informabanos en o numero pasau, tamien i estion ganadors Vicente Torres
Sanchez con o segundo y Enrique Casado Sanchez con o terzero.

-A edizion d'iste ano d'o premio "O Gua" de falordias y narrazions ta
ninos ha quedau disierto. Sin dembargo o churau a recomendau a o Consello
d'a Fabla Aragonesa a publicazion d'os treballos "Cuentos pa biladas sin
suenio" de Ana Tena Puy, "No son indios toz os que fan a tana" de Ana C.
Vicien y Santiago Moncayola y "O millor estiu" de Mara Allue, Silvestre
Bara, Fernando Campo, Maria Foncillas, Carmen Gallego y Maria P. Nadal.

-O Rolde Choben (sezion chobenil d'o PAR), ha solizitau a la Direuzion
Cheneral de Trafico que os propietarios d'os beiclos d'a probinzia de
Uesca, puedan eslexir que en as suya matriculas i aparexcan as inizials U
(en aragones) o HU (en castellano).

-O grausino Vicente Turmo Mur "Pallason" ha publicau un libro clamau
"Cosas de Graus", an se i recullen aspeutos barios d'ista localida,
incluyindo-ie un bocabulario de l'aragones d'ixa zona. Tamien en Graus
s'ha publicau un nuebo numero d'a rebisteta en grausino "El Fogaril".

-L'Aragones ha estau presen, a trabies d'una ponenzia d'o Rolde
d'Estudios Aragoneses, en o II Simposio Internazional "Luengas en
contauto: analis interdisziplinar", organizau por a Unibersida Estatal
Linguistica de Piatigorsk (Rusia).

-En Monzon se ba a creyar un zentro estable ta l'amostranza de l'aragones
t'adultos, organizada entre o Ligallo de Fablans de l'Aragones y o
Consello d'a Fabla Aragonesa y finanziado por a Comision Europea y o
Conzello de Monzon.

-Os "Dulzaineros del Bajo Aragon" son grabando un disco preto. Tamien a
colla mosical "Mallacan" ye parando un disco nuebo, que saldra t'a
carrera en o mes de chinero.

-Nuebas adrezas d'internet en aragones:
Paxina personal de Cherardo Gimeno (incluyindo-ie O Lupo):
http://www.jura.uni-tuebingen.de/~s-gig1/aragones.htm
Asoziazion de Profesorau de Luenga Aragonesa (APLA):
http://personales.com/espana/huesca/apla
Internet y educazion infantil:
http://almez.pntic.mec.es/~lcavero/index.html
Aedenat-ecofontaneros:
http://www.pangea.upc.es/~spie/aedenat/aedenat-fabla.html

Otras adrezas d'intres:
Rechirador de recursos aragoneses Redaragon:
http://www.redaragon.com
Paxina ofizial de La Ronda de Boltana:
http://www.staragon.com/rondaboltaña
Paxina sobre o grausino:
http://alabi.upc.es/~b8041721/graus/grausino.html
Casa Garvalena (bi incluye un bocabulario aragones-castellano):
http://www.geocities.com/Heartland/Valley/6243/garvalena-html
Amigos del Serrablo:
http://www.serrablo.org
La Navata:
http://www.ctv.es/USERS/sacing/lanavata.htm
Institut d'Estudis del Baix Cinca:
http://www.encomix.es/~iebcinca
Instituto Aragones de Antropologia:
http://www.unizar.es/iaa/index.html

_________________________________________________________________________

Colaboran en iste numero: Daniel Gonzalez, Fernando Sanchez.
________________________________________________________________________

O Lupo ye un boletin de baldes, ta suscribir-se u dar-se de baxa no cal
que nimbiar un mensache ta la nuestra adreza indicando-lo. S'adempribian
colaborazions y soxerencias.
(O Lupo es un boletin gratuito, para suscribirse o darse de baja solo hay
que enviar un mensaje a nuestra direccion indicandolo. Se aceptan
colaboraciones y sugerencias).
_________________________________________________________________________

              COLLA UNIBERSITARIA POR L'ARAGONES (C.U.A.)
          Edifizio Interfacultaz, Pedro Cerbuna 12, 50009 Zaragoza
                  E-mail: 181991@cienz.unizar.es
_________________________________________________________________________