O LUPO


BOLETÍN D'A COLLA UNIBERSITARIA POR L'ARAGONÉS

FANZINE ELEUTRONICO EN ARAGONÉS


Numero 29 (chinero-marzo 2003)


NOTIZIAS


A Luenga Aragonesa ya cuenta con codigo propio en o "ISO 639"

O "Comité Asesor Conchunto d'Autoridaz de Rechistro" de l'estandar de clasificazión de luengas ISO 639, ha aprebau a inclusión d'a Luenga Aragonesa en o mesmo. A dezisión se prenió en a reunión d'o 23 d'abiento d'o 2002, encara que a lista publica ofizial (que puede consultar-se en http://lcweb.loc.gov/standards/iso639-2/codechanges.html) se autualizó en calendatas reziens.

L'ISO 639 ye constituyiu por dos subestandars de codigos de luengas: -L'ISO 639-1, formau por codigos de dos letras (codigo Alpha-2), utilizau en os campos de terminolochía, lesicografía y lingüistica. -L'ISO 639-2, formau por codigos de tres letras (codigo Alpha-3), emplegau en bibliotecas, serbizios d'informazión y editorials ta endicar l'idioma en l'intercambio d'informazión, espezialmén en sistemas informatizaus. Todas as luengas incluyidas en l'ISO 639-1 en son dentro de l'ISO 639-2, pero no de rebés, estando l'aczeso a l'ISO 639-1 más difízil.

As autoridaz ta os zitaus subestandars son os siguiens organismos: -Ta l'ISO 639-1, o "International Information Centre for Terminology (Infoterm)", con siede en Viena. -Ta l'ISO 639-2, a "Library of Congress", con siede en Washington.

En o caso de l'Aragonés os codigos conzedius son: Ta l'ISO 639-1 (codigo Alpha-2): an Ta l'ISO 639-2 (codigo Alpha-3): arg

Ista dezisión ye un nuebo trango en o prozeso de reconoxedura d'a Luenga Aragonesa (ya prou amplo en ambitos internazionals), y colaborará en a suya dinnificación y espardidura. D'una man serbirá ta incluyir l'Aragonés en una categoría independién en os ambitos antis zitaus (ta os casos en os que encara no la tenese), y d'atra man, ye l'alazet ta demandar a traduzión de software informatico comerzial y d'os grans portals y buscadors.

Precisamén, dezaga d'a solizitú d'inclusión en l'ISO 639 ye una iniziatiba ziudadana, que tiene por finalidá a traduzión a l'Aragonés de software informatico diberso, más que más de software libre y d'o sistema operatibo GNU, abendo-se constituyiu ya dos listas de distribuzión ta coordinar dito treballo. [DG]

Más informazión: Lista de distribuzión "Aragonés en o rete": http://es.groups.yahoo.com/group/aragonesenorete/ Lista de distribuzión "FablaGNU": http://www.elistas.net/lista/fablagnu FablaGNU: http://www.fablagnu.net Zaralinux: http://www.zaralinux.org Infoterm: http://www.infoterm.org Library of Congress: http://www.loc.gov


ZAGUERAS PUBLICAZIONS


Libros: -"Qui bien fa nunca lo pierde (...)", Domingo Miral. Ed. Gara d'Edizions y IFC. -"Nuevo diccionario etimológico Aragonés", José Pardo Asso. Ed. Gara d'Edizions y IFC. -"De fllós a turberes", barios autors. Ed. Asoziazión Guayente. -"Degodín, degodán", barios autors. Ed. Asoziazión Guayente. -"Cortina cortana",barios autors. Ed. Asoziazión Guayente.

Discos: -Titiriteros de Binéfar, "Animaladas"

CD-ROM: -"El Libré/ I Jornadas del Habla Ribagorzana". Ed. Ayuntamiento de Graus, DGA, Prensas Universitarias y Centro de Estudios Ribagorzanos.


III CONCURSO LITERARIO DE NARRATIBA E POESÍA EN ARAGONÉS "UNIVERSIDAD DE ZARAGOZA"


O Secretariado de Actividades Culturales d'o Vicerrectorado de Proyección Social y Cultural d'a Univesidad de Zaragoza, con a colaborazión d'o Consello da Fabla Aragonesa, fa o clamamiento d'o III Concurso Literario «Universidad de Zaragoza», en a modalidá de narratiba e poesía en aragonés d'alcuerdo con as bases siguiens: BASES

1. Podrá partizipar en dito concurso cualsiquier presona con tal que s'esprese en aragonés (ya siga aragonés común, ya siga cualsiquiera d'as suyas modalidaz dialeutals).

REQUISITOS: 2. Cada presona que y partizipe podrá presentar una unica obra por cada modalidá. Os treballos presentatos, de tema libre, deberán estar orichinals e ineditos, sin aber rezibito garra premio en atros concursos. 3. A estensión d'os testos oszilará, en a modalidá de narratiba, entre 80 e 140 fuellas mecanografiatas a dople espazio por una sola cara e con una meya de 30 linias por 70 espazios, acatando-se que podrá presentar-se u bien bel relato u bien bella colezión de relatos. En a modalidá de poesía, a estensión masima será d'un total de 250 bersos, en fuellas mecanografiatas a dople espazio por una sola cara, entendendo que podrá presentar-se una pieza poetica u una colezión de poemas.

PRESENTAZIÓN E NIMBÍO D'OBRAS: 4. Os orichinals no irán firmatos, debendo presentar-se por triplicato y cuaternando en o cobalto ro tetulo trigato. Irán acompañatos d'un sobre zarrato y en o esterior se ferá constar o dito tetulo, en o interior debe amanixer a siguién decumentazión: - nombre, apellitos, adreza completa e telefono de contauto, - fotocopia d'o DNI u Pasaporte, en o suyo caso, - disquett con a obra presentata ta o concurso en WORD u testo normalizato. 5. A presentazión d'orichinals se ferá en diyas de treballo, de 9 ta 14 oras, en o Secretariado de Actividades Culturales (Edificio de Información, Universidad de Zaragoza, c/ Pedro Cerbuna 12, 50009, Zaragoza). 6. A ofizina acullidera podrá refusar cualsiquier obra que no s'achuste estreitamén a o establito en as bases e espediará os correspondiens chustificazions de partizipazión a os azeutatos a concurso. Malas que remate o concurso, os orichinals no serán pas tornatos, sino que se prozederá a ra suya destruzión. 7. O plazo d'acullida d'as obras rematará o 16 d'abril de 2003 a ras 14 oras.

TRIGA D'OBRAS E PREMIOS 8. O churato será trigato por o Vicerrectorado de Proyección Social y Cultural d'a Universidad de Zaragoza entre presonas de reconoxito prestichio literario u unibersitario. Dito Churato completará con o suyo criterio as omisions u dudas que podese planteyar a entrepretazión d'istas bases. A dezisión de o Churato será inapelable en toz os casos. 9. O concurso será adotato d'un unico premio de 2.400 Euros, no podendo estar iste compartito, pero sí declarato disierto. Iste premio ye sucheto a ra retenzión d'o IRPF, seguntes estatueze a lechislazión autual. En caso de considerar-lo oportuno o Churato, se creyarán dos menzions adizionals (aczésiz) a o premio en cadaguna d'as modalidaz. 10. A dezisión u resoluta d'o Churato se ferá publica a trabiés d'os meyos de comunicazión locals. 11. As obras premiatas serán publicatas por a Universidad de Zaragoza.

AZEUTAZIÓN D'AS BASES: 12. A partizipazión en iste concurso presuposa l'azeutazión entegra d'istas bases.


III PREMIO "A CARRACLA" DE CUENTOS TA NINOS/AS EN ARAGONÉS


A "Peña La Murga" de Samianigo, de conchunta con o Consello d'a Fabla Aragonesa, comboca o III Premio "A Carracla" de cuentos infantils, ista begata con o tema de "rilatos biografícos de personaches aragoneses", que se reglará por as normas siguiens: 1-Os rilatos biografícos se prisentarán en DIN A5 (u meyo folio), solo que a una cara, e serán ineditos. 2-Podrán estar escritos en aragonés común u en cualsiquier bariedá d'a redolada (Sarrablo-Bal de Tena), pero en toz os casos, siguindo correutamén as normas graficas de l'aragonés. 3-Os rilatos biograficos serán ta ninos e ninas de infantil e primaria. Se balorará muito espezialmén o carauter didautico. 4-L'amplaria d'o testo d'os triballos será d'entre 4 y 9 fuellas a ordinador, a dople espazio, incluyindo, si cal, debuxos. 5-Os treballos podrán estar feitos por una sola presona u por una colla. 6-Os treballos lebarán un tetulo e una embotada. Iste mesma embotada identificará una cubierta zarrata que s'achuntará a ro treballo. Dentro d'a cubierta bi serán os datos presonals de ro u ros autors/as, adreza, telefono, ezt. En os treballos no podrá aparixer o nome de l'autor u autors/as. 7-A zaguera calendata adiata ta recullir os treballos será o diya 23 d'Abril d'o 2003. Os treballos caldrá enfilar-los ta: Peña La Murga, Trestallo Postal 29, 22600 SAMIANIGO (UESCA). 8-A chen que ferá de churato e ro suyo fallo se dixarán saper en zagueras de mayo de 2003. 9-Se han siñalato 360 euros ta ro primer premio e 180 euros ta ro segundo. A editorial Publicazions d'o Consello d'a Fabla Aragonesa publicará as dos obras ganadoras e parará cuenta en a posiblilidá d'editar en "Fuellas" una triga d'entre as demás obras prisentatas. 10-As obras premiatas quedarán de propiedá de o Consello d'a Fabla Aragonesa. Os autors/as de os triballos no premiatos podrán recullir-los en un plazo de dos meses a partir de a calendata de l'auto d'entrega de os premios, a no estar, que as suyas obras estasen publicatas. 11-O churato podrá dixar bueito bel premio u atorgar bella menzión espezial si lo beye plaizible. O fallo de ro churato será inapelable. 12-O feito de presentar-se a iste Premio suposa l'azeutazión d'istos regles, como cualsiquier resoluzión que se prenga por enzidenzias no prebeyitas en os mesmos.


I PREMIO DE RELATOS CURTOS EN ARAGONÉS RIBAGORZANO "CLETO TORRODELLAS ESPAÑOL"


El Ayuntamiento y la Sociedad l´Aurora de la villa de Estadilla, población que ha sido cuna de populares escritores en aragonés bajorribagorzano, entre los que destacan Bernabé Romeo y Belloc (1841-190?), Cleto Torrodellas Español (1868-1939) y su sobrino Cleto José Torrodellas Mur “Pablo Recio” (1914-1988), sensibles al cultivo literario de nuestra habla estadillana y deseosos de que la herencia literaria que nos dejaron aquellos autores se perpetúe y se renueve hacia el futuro, convoca este primer certamen literario, de acuerdo a las siguientes bases:

-Primero: Habrá dos premios, uno para autores adultos y otro para autores jóvenes ( de 12 a 18 años). En el sobre que contenga las obras deberá indicarse a qué modalidad se concurre, de ese modo: Premio Adultos o Premio Jóvenes. Cada autor o autora podrá presentar cuantas obras desee. -Segundo: Las obras, de tema libre, deberán estar escritas en aragonés ribagorzano y deberán ser inéditas. -Tercero: Las obras, en ambos casos, serán relatos cortos, con una extensión mínima de 3 folios y máxima de 10, escritos a máquina u ordenador, a doble espacio, a una sola cara y en medidas A-4. -Cuarto: Los relatos llevarán un título y un lema, que se escribirán en un sobre cerrado adjunto en cuyo interior deberán ir los datos del autor o autora. -Quinto: Los trabajos se enviarán por correo certificado a: Primer Premio de relatos cortos en aragonés ribagorzano. Ayuntamiento de Estadilla. Plaza Mayor, 1. 22423 ESTADILLA (Huesca), antes del 15 de marzo de 2003.

-Sexto: El fallo del premio y la composición del jurado se harán públicos en abril de 2003. -Séptimo: El premio para autores adultos consistirá en 600 euros y el de autores jóvenes en 100 euros y un lote de libros en aragonés ribagorzano. -Octavo: El jurado podrá dejar cualquiera de los dos premios desiertos u otorgar algún accésit. Su decisión será inapelable. -Noveno: Las obras ganadoras serán publicadas. -Décimo: Los trabajos presentados que no se reclamen en el plazo de 30 días naturales, contados desde la fecha del fallo, quedarán en propiedad del Ayuntamiento de Estadilla y de la Sociedad l´Aurora -Undécimo: De la entrega de los premios se avisará en su momento. -Duodécimo: La presentación a este Premio presupone la aceptación de estas reglas.


IV CONCURSO LITERARIO NARRATIBA Y POESÍA EN PATUÉS EN TA AUTÓS CHOBES


Dan el propósito de promosiná el uso y la dignificasión sosial de la modalidat llingüística del pais, la Casa de la Bila de Benás, comboque el V Concurso de Narrasión en Patués en ta autós chobes conforma a istes bases: 1º Porá partisipá la mainada en una de les dos categories: Primaria y Secundaria. 2º Els Textos originals anirán mecanografiats y acompañats de tres copies dan un lema u nom falso y en un sobre tancau, la categoría, el nom y la dresa del autó y se nimbiarán a la Casa de la Bila de Benás, antes del 15 d'abril de 2003. 3º Ta cada categoría se consederán cuatre premios baloraus en: 150,25 Euros. 90,15 Euros. 60,10 Euros. 30,05 Euros. 4º La resoluzión del Churau, integrau per especialistes de Patués y de la Lliteratura Infantil y Chubenil, será inapelable y se fará sabre en una selebrasión que se fará en el mes de mayo del 2003. Niún auto resibirá més de un premio.


V CONCURSO LITERARIO NARRATIVA Y POESÍA EN PATUÉS


1º El Excmo. Ayuntamiento de Benasque (Huesca) , convoca el VI Concurso Literario en Patués que se otorgará a un relato de forma, tema y metro libres, y a un libro de poemas de forma, tema y metro libres. 2º Los trabajos que concursen habrán de ser originales e inéditos presentándose mecanografiados a doble espacio, en hojas tamaño folio y en ejemplar por cuatriplicado. 3º Los ganadores del primer premio en cada modalidad en su anterior edición, no podrán presentarse en la presente convocatoria 2003. 4º El plazo de presentación de los trabajos, terminará el día 15 de abril a las doce horas. Los originales se entregarán bajo lema con la indicación "Para el Premio Literario Bila de Benás". En sobre aparte, cerrado "plica", que acompañara al trabajo, deberá figurar el nombre, apellidos y domicilio del autor, haciendo constar en el exterior el lema y la modalidad a la que se opta 5ºLas obras se harán llegar por correo certificado al Excmo. Ayuntamiento de Benasque (Huesca), Servicio de Cultura. 6º El importe del Premio será para cada modalidad de 1.442,43 Euros., repartidas de la siguiente manera: 1º premio: 360,61 Euros. 2º premio: 270,46 Euros. 3º premio: 240,40 Euros. 4º premio: 180,30 Euros. 5º premio: 150,25 Euros. 6º premio: 120,20 Euros. 7º premio: 90,15 Euros. 8º premio: 30,05 Euros. 7º El Ayuntamiento de Benasque, podrá gestionar la publicación de las obras presentadas a concurso. 8º El jurado calificador estará formado por destacadas personalidades de las Letras y de la Cultura, siendo su fallo inapelable. Se podrá declarar desierto el Concurso si, a juicio del Jurado, ningún trabajo reuniese méritos suficientes o no se ajustase a las condiciones establecidas en la convocatoria del concurso. Ningún autor recibirá más de un premio. 9º Los originales no premiados serán devueltos a los autores si así lo solicitasen. 10º El fallo del Concurso y la entrega de premios se realizará durante el transcurso de una Velada Literaria organizada por el Excmo. Ayuntamiento de Benasque (Huesca), durante la segunda quincena del mes de Abril del 2003.


PREMIO LITERARIO "ANA ABARCA DE BOLEA"


Zelebrando-se l'añada 2002 o 400 cabo d'año d'o naximiento de Dª. Ana Francisca Abarca de Bolea y Mur, abadesa d'o Monesterio de Santa María de Gloria de Casbas de Uesca, aconteximiento que cal que siga zelebrato como se merexe, e de conchunta con as entidaz achuntatas en a Mesa d'organizazión En torno al nacimiento de Ana Francisca Abarca de Bolea. Cuarto centenario, o Consello d'a Fabla Aragonesa fa o clamamiento d'a dezena edizión d'o premio "Ana Abarca de Bolea" ta libros de poesía en aragonés, correspondién á l'añada 2003, que se reglará por as siguiens normas:

1era: Os treballos consistirán en un libro inedito de poemas escritos en aragonés. 2nda: Se presentarán tres copias d'os treballos, feitos á maquina u en ordinador, á dople espazio e á una sola cara, e con una amplaria d'entre 600 e 1200 bersos. 3era: Os treballos lebarán un tetulo e un lema, os cuals se cuaternarán en una carpeta postal zarrata, drento d'a que se meterán o nombre e dos apellidos e l'adreza de l'autor/a, asinas como lo lugar e calendata de naxenzia e a profesión u quefers. 4ena: Os treballos s'endrezarán por correyo zertificato ta: Consello d'a Fabla Aragonesa, X Premio "Ana Abarca de Bolea" (2002), trestallo postal 147, 22080 Uesca, antis d'o 30 d'abril de 2003. 5ena: A dezisión d'o premio e as presonas que composan o Churato se ferá saper publicamén en o mes de mayo de 2003. 6ena: O premio consistirá en 1200 euros ta l'autor/a e a publicazión d'a obra ganadera. 7ena: O churato podrá zezidir no atorgar o premio á denguna d'as obras presentatas, asinas como no atorgar menzión espezial á beluna/s e consellar a suya publicazión. L'autor/a con menzión espezial recullirá un premio de 150 euros. En dengún caso pueden trestallar-sen os diners d'o premio e d'a menzión espezial; si alcaso, o Churato podrá atorgar una segunda menzión espezial, sin de pre en diners, pero podendo consellar tamién a publicazión d'a obra. A suya dezisión ye inapelable. 8ena: A obra ganadera y, en o suyo caso, a obra u obras que tenesen menzión espezial, serán publicatas seguntes as normas graficas de l'aragonés emologatas en abril de 1987, por a Editorial Publicazions d'o Consello d'a Fabla Aragonesa, qui se guarda os dreitos d'a primera edizión, a cuala tendrá una edizión menima de 500 exemplars. 9ena: Os treballos presentatos que no se reclamen en o plazo de 30 días naturals, que prenzipiarán á contar dende a calendata en que se faiga publica a dezisión d'o Churato, quedarán en propiedá d'o Consello d'a Fabla Aragonesa. 10ena: A presentazión á iste premio suposa l'adempribio d'istas normas por parti d'as presonas que partezipan en o mesmo.


CHORNADAS D'AS FABLAS D'ARAGÓN


Como cada añada, l'Asoziazión Cultural Nogará organizará istas chornadas. Estiaño o programa será:

Lunes 31 de marzo, charrada sobre a recuperazión d'o catalán (por Mario Sasot). Chuebes 3 d'abril, charrada sobre a istoria de l'aragonés dica o sieglo XIX. Biernes 4 d'abril, charrada sobre a recuperazión de l'aragonés (por Ánchel Conte y Fernando Romanos). Sabado 5 d'abril, chornada de puertas pataleras, proyeuzión d'o bideo "A Chaminera", gaiters y socalze.

As charradas se farán en a Biblioteca d'Aragón (carrera Doctor Cerrada de Zaragoza) a las 19 oras, y a chornada de puertas pataleras de maitins en a siede de Nogará (carrera Gavín, 6).


MENSACHES CURTOS


-A consellería d'educazión ha presentau, dimpués de muito retraso, un proyeuto de Currículum Aragonés. Si quiers consultar a parti dedicada a la luenga aragonesa y a suya literatura, puez descargar-te-la en: http://www.educaragon.org/files/aragones_s.doc

-A publicazión d'o Ligallo de Fablans de l'Aragonés "O Rayón" ha empezipau una nueba epoca. Tiene periodizidá bimensual y puez suscribir-te-ie por 5 euros cada 8 numers. Puez pillar-lo en a siede d'o Ligallo de Zaragoza (Coso 112, prinzipal cucha, tel.: 976 231299) u escribir-les a fablans@pangea.org

-En a pachina http://www.rondadors.com/a_donde/a_donde.htm puez consultar o calendario d'autuazions d'a Ronda de Boltaña.

-L' EBLUL (European Bureau for Lesser Used Languages) ha editau un nuebo numero d'o suyo boletín "Contact": http://www.eblul.org

-Puez consultar as zagueras nobedaz d'o portal de l'Aragonés "Charrando.com" en l'adreza: http://www.charrando.com/nobedaz.php

-L'Instituto d'Estudios Altoaragoneses y a redolada de l'Alto Galligo han editau o libro "Nombres de lugar de Sobrepuerto" sobre a toponimia d'ixa zona, escrito por Chesús Vázquez Obrador.

-A Comisión Europea ye fendo una encuesta ta replegar iniziatibas sobre a promozión d'a dibersidá lingüistica d'Europa, puez dar a tuya opinión dica o 28 de febrero en: http://europa.eu.int/comm/education/languages/consult_en.html

-A editorial Gara d'Edizions, en colaborazion con a "Institución Fernando el Católico", ha empentau una nueba colezión d'edizions facsimils d'obras antiguas en u sobre l'aragonés, que en estar acotoladas fa tiempo resultan difízil de trobar. Por agora s'han editau o dizionario de Pardo Asso y a obra de Domingo Miral "Qui bien fa nunca lo pierde / Tomando la fresca en la cruz de cristiano o a casarse tocan". Más info: gara@ya.com y ifc@dpz.es

-Tamién a IFC editó fa tiempo atro libro d'intrés tetulau "El léxico de la ciudad de Zaragoza a mediados del Siglo XX", de Manuel Gargallo Sanjoaquín.

-Ya ye en a carrera o numero 4 d'a rebista "O Espiello", podez mercar-lo u conduzir-tos-ie (5 euros por 4 numers) en a siede de Nogará de Zaragoza (Carrera Gavín, 6, tel.: 976 390708). Tamién se bende en Ligallo de Fablans, Consello d'a Fabla, Kalú (Fonz), Dispierta Fierro, Bar Entalto, Kiosko Vidal (Pza. S. Francisco de Zaragoza).

-L'etnografo Eugenio Monesma y Fernando Romanos han reyalizau un audiobisual tetulau "Patrimonio lingüistico en el norte de la provincia de Zaragoza", an amanixen firmes charradas en aragonés de chen d'ixas redoladas. Mas info: pyrene@spicom.es , tane@mixmail.com

-A finals de l'año pasau se presentó un nuebo bideo en aragonés, se trata de "A Chaminera", una zinta que chira arredol d'o prozeso de construzión d'una chaminera tradizional en Moriello de San Pietro, y que ye estada reyalizada por Carlos Baselga.

-A Enciclopedia Catalana ha editau un intresán "Diccionari de les llengües d'Europa", escrito por Ignasi Badia i Capdevila.

-En a "Revista de Derecho Civil Aragonés" (numero correspondién a l'año 2000), s'ha publicau una traduzión a l'Aragonés d'a Compilazión d'o Dreito Zibil Aragonés, feita por Miguel Martínez Tomey.

-O programa de TB feito en Andorra (Teruel) "Chino Chano" ha cumpliu o suyo zinqueno cabo d'año. Si quiers informar-te-ne u mercar bella zinta d'o programa besita a suya web: http://www.chinochano.com

-O conzello de Graus ha editau un CD-ROM sobre "El Llibré" (o libro d'as fiestas locals, que gosa incluyir bel testo en grausino) y as "I Jornadas del Habla Ribagorzana", an amanixe una intresán replega de testos en aragonés baxoribagorzano y documentazión dibersa sobre ixas chornadas. Más info: aytograus@aragob.es

-L'asociazión "Promoción Integral de Ayerbe y Comarca" publica a rebista "Comarca", que incluye un trestallo en aragonés. Si quiers demandar-la, a suya adreza posta ye: Pza. Aragón, 40, 22800 Ayerbe (Uesca)

-L'Asoziazión Cultural Azut tiene una nueba URL curta ta la suya web: http://www.altoxiloca.tk

-Entre o 8 y o 10 d'Abril d'o 2003 se zelebrará en Aberystwyth (Gales) o primer Symposium Internazional "Mercator" sobre Luengas Europeas Minoritarias. Más informazión en: http://www.mercator-education.org/infotype/webpage/viewmain.asp?objectID=2028&zoektrmn=

-Si quiers recullir o boletín d'a editorial de libros eleutronicos "O Limaco", nimbia un e-mail a: limaco@fmarin.com Tamién podez descargar-tos o poemario en Aragonés "Fabla!" en l'adreza http://personales.ya.com/fmarin/limaco/descarga.htm

-L'Asoziazión Cultural Guayente de la Bal de Benás cambia o suyo e-mail, o nuebo ye guayente@guayente.org, y a suya web http://www.guayente.org. Ista asoziazión, en colaborazión con o Gubierno d'Aragón, ha editau un conchunto de tres libros denominau "Alasets ta la mainada", que serbirán como material didautico ta l'amostranza de l'aragonés benasqués.

-Nogará organiza o diya 22 de febrero un taller sobre o carnabal, o diya 27 zelebra o chuebes lardero y o 1 de marzo una fiesta-concurso de disfrazes. Apunta-te en a suya siede en a carrera Gavín, 6 de Zaragoza (976 390708).

-L'asoziazión de Gaiters d'Aragón ha editau un nuebo numero (17) d'a suya rebista, si quiers puez recullir-la de baldes escribindo a gaiters@wanadoo.es

-A lista de distribuzión "Aragon-l", creyada en 1996, estió a primera an que l'aragonés yera luenga ofizial, estando pionera en l'emplego de l'aragonés en internet. Agora ye en periglo de desaparixer por baxa autibidá, apunta-te-ie en http://www.rediris.es/list/info/aragon-l.html y partizipa.

-Nuebas webs en aragonés: Pachina de Daniel Martínez: http://usuarios.lycos.es/dmartinez Longars: http://longas.ya.st Ludoteca O Lamín: http://es.geocities.com/ludotecaolamin L'Aiguabarreig: http://www.aiguabarreig.net/quees-ara.html Tintirinullo: http://personal.iddeo.es/tintirinullo/

-Atras adrezas d'intrés: Lista de distribuzión ta la traduzión a l'aragonés d'o sistema operatibo GNU: http://www.elistas.net/lista/fablagnu Lista de distribuzión sobre luengas romanicas: http://www.yahoogroups.com/group/latii_filiae Gaiteros de Estercuel: http://www.gaiterosdeestercuel.com Editorial O Limaco: http://www.o-limaco.com Cornamusa: http://www.afapi.com/cornamusa


O Lupo ye un boletín de baldes. Ta recullir-lo u dar-se de baxa no cal que nimbiar un mensache ta la nuestra adreza indicando-lo. S'adempribian sucherenzias y colaborazions. A C.U.A. no comparte nezesariamén as opinions d'os colaboradors d'iste boletín.

(O Lupo es un boletín gratuito. Para recibirlo o darse de baja sólo hay que enviar un mensaje a nuestra dirección indicándolo. Se aceptan sugerencias y colaboraciones. La C.U.A. no comparte necesariamente las opiniones de los colaboradores de este boletín).


Calendata de zierre d'edizión d'o presén numero: 14 de febrero d'o 2003


COLLA UNIBERSITARIA POR L'ARAGONÉS (C.U.A.)

Edifizio Interfacultaz. Pedro Zerbuna, 12. 50009 Zaragoza

http://www.unizar.es/colla

colla@posta.unizar.es