_________________________________________________________________________

           XXXX          XX      XX  XX  XXXXX    XXXX
          XXXXXX         XX      XX  XX  XXXXXX  XXXXXX
          XX  XX         XX      XX  XX  XX  XX  XX  XX
          XX  XX         XX      XX  XX  XXXXXX  XX  XX
          XX  XX         XX      XX  XX  XXXXX   XX  XX
          XX  XX         XX      XX  XX  XX      XX  XX
          XXXXXX         XXXXXX  XXXXXX  XX      XXXXXX
           XXXX          XXXXXX   XXXX   XX       XXXX
_________________________________________________________________________

          BOLETIN D'A COLLA UNIBERSITARIA POR L'ARAGONES
                 FANZINE ELEUTRONICO EN ARAGONES
_________________________________________________________________________
 

                                    Numero 17 (Nobiembre 99-Febrero 2000)

-------------------------------------------------------------------------
 NOTIZIAS
-------------------------------------------------------------------------
 CONTINAMOS ATURAUS
 Encara que o cambio en o gubierno d'Aragon, eba feito surtir asperanzas d'un nuebo trato enta l'aragones, por l'inte no s'ha produziu garra trango en ista endrezera.
 D'una man, representans d'o Consello d'a Fabla Aragonesa s'entrebiston con a consellera d'educazion, Maria Luisa Alejos-Pita, con a initinzion d'alcordar un amilloramiento en as condizions de l'amostranza de l'aragones en bels lugars de l'Alto Aragon. Sin dembargo, a consellera no adempribio denguna d'istas proposas, y dixo beyer que garra cosa cambiara dica que no siga aprebada una lei de luengas, por o que as clases continan en a mesma (mala) situazion.
 Por atro costau, contina sin presentar-se a tramitazion parlamentaria mica proyeuto de lei de luengas. A o respeutibe, a colla parlamentaria de Chunta Aragonesista presento en as Cortes d'Aragon, o pasau 12 de febrero, una pregunta a o consellero de Cultura, Javier Callizo. O consellero manifesto a suya intinzion de presentar o proyeuto en o segundo semestre d'o 2000 u en os primeros meses d'o 2001, pero fazio unas afirmazions que creyoron una zierta polemica (fendo-se eco d'ello bel meyo de comunicazion), en as que consideraba a l'aragones "artifizial" y mesmo "un inbento de laboratorio". Diyas dimpues, o 17 de febrero, Callizo publico un articlo en "El Periodico de Aragon" an esplicaba a suya postura, agora mas razonable. Bi dixaba platero (fendo referenzia a o suyo orichen cheso) que l'aragones no ye una luenga artifizial, y se comprometeba firmemen a presentar o proyeuto de lei de luengas, chustificando a tardanza por a nezesida de fer un riguroso estudio soziolingüistico. Solo mostraba as suyas reserbas con l'aragones unificau, que si consideraba artifizial, pero entendendo iste calificatibo "no como sinonimo de creyazion dende a nada, sino d'elaborazion cultural por parti de bel soxeto sozial", por o que tambien se podria aplicar a otras luengas como o castellano, o franzes u l'italiano.

-------------------------------------------------------------------------
 CARNABALS ARAGONESES
-------------------------------------------------------------------------
-Carnabals tradizionals en Sobrarbe:
Como cada añada en istas fechas, se son zelebrando carnabals tradizionals en barios lugars d'a redolada d'o Sobrarbe. Tos informamos d'os que encara se han de fer:
Plan: 25, 26 y 27 de febrero.
Nerín: 26 de febrero.
Torla: 4 de marzo.
Bielsa: 3,4 y 5 de marzo.
Mas informazión en os telefonos:
Conzello de Plan, 974 506001. Conzello de Fanlo (Nerin), 974 489005. Conzello de Torla, 974 486152. Conzello de Bielsa, 974 501000. Mancomunida d'o Sobrarbe, 974 500240. Turismo berde, 974 242448.

-Tallers de carnabal:
O Ligallo de Fablans de l'Aragones, l'Asoziazion Cultural Nogara y A Espelunga, organizan tallers ta fer-se traches de carnabal. Puez amana-te-ne o miercols 23, de 18 oras a 21 oras, y o sabado 26, de 17 oras a 20 oras (en a Espelunga c/ Palafox de Zaragoza)

-Chuebes lardero y fiesta:
L'Asoziazion Cultural Nogara organiza, o diya 2 de marzo, una zelebrazion d'o "Chuebes lardero" en o bar Entalto (carrera Mayor de Zaragoza), y o 4 de marzo, una fiesta de carnabal en a suya siede (carrera Palafox de Zaragoza). Mas informazion, 976 390708.

-------------------------------------------------------------------------
 ZAGUERAS PUBLICAZIONS
-------------------------------------------------------------------------
Libros:
-"An ye a nariz de Pinocho" (ed. Xordica).
-"Güe foi seis años" (ed. Xordica).
-"A matazia" (Mariano Coronas, ed. O Gurrion).
-"Fendo a parola" (Chabier Tomas, ed. D.G.A.).
-"Chonigueñan" (Jose Sanmartin, ed. Institucion Fernando el Catolico).
-"Autas d'a I Trobada d'estudios y rechiras arredol de l'Aragones y a suya literatura" (ed. Consello d'a Fabla Aragonesa).
-"La Bal de Lierp" (Jose Maria Ariño, ed. Consello d'a Fabla Aragonesa).

Discos:
-Esferra

-------------------------------------------------------------------------
 PREMIOS LITERARIOS
-------------------------------------------------------------------------
I PREMIO INTERNAZIONAL DE NOBELA CURTA  EN ARAGONES "ZIUDA DE BALBASTRO"
REGLES:
1- En o premio pueden partizipar todas as presonas que lo deseyen, de
cualsiquier pais que siga.
2- Os treballos que se presenten consistiran en una nobela curta
inedita y deberan estar escritos en aragones.
3- L'amplaria d'as obras presentatas sera d'entre 50 y 150 fuellas
tamaño folio mecanografiadas a doble espazio.
4- De cada nobela presentata s'achuntaran tres copias. Antiparti, cada
obra debera ir acompañata d'una plica (carpeta zarrata, con o tetulo d'a obra en o esterior y o nombre y os datos personals en o interior).
5- As obras s'enfilaran, antis d'o diya 30 de marzo d'o 2000, ta:
CONSELLO DE BALBASTRO, area de CULTURA, Plaza Constituzion  BALBASTRO 22300 (UESCA).
6- O Churau -d'o que formarán parti escritors y estudiosos de
l'aragones- dara a conoxer a obra ganadora en o mes de mayo d'o 2000.
7- O premio consistira en un premio en metalico de 150.000 (ziento
zincuanta mil) pezetas y en a publicazion d'a nobela  si se creye menester por o Consello de Balbastro a trabies d'a editorial PRAMES. A imprentazion y publicazion se feran d'alcuerdo con as normas ortograficas de l'aragones.
8- O Churau, d'alcuerdo con a calida literaria, correzion lingüistica
y atras zercustanzias, podra dezidir no atorgar o premio. Tamien podra atorgar bella menzion espezial.
9- As obras premiatas y as distinguitas con menzion quedaran en propieda d'o CONSELLO DE BALBASTRO.
Igualmen, as atras obras que no sigan reclamatas en o plazo d'un mes
dimpues de fer-se publico lo fallo d'o Churau.
10- A presentazion a iste premio presuposa l'azeutazion d'istos regles.

Informazion: Tf.: 974.310.150
e-mail: barbastr@correo.aragon.net

IX PREMIO "ANA ABARCA DE BOLEA" TA LIBROS DE POESIA EN ARAGONES
 O Consello d'a Fabla Aragonesa fa la clamadura d'a nuena edizion d'o premio "Ana Abarca de Bolea", correspondien a l'añada 2000, seguntes os siguientes regles:

1-Os treballos consistiran en un libro inedito de poemas escritos en aragones.
2-Se presentaran tres copias d'os treballos, feitos a maquina u en ordinador, a doble espazio y a una sola cara, y con una amplaria d'entre 600 y 1.200 bersos.
3-Os treballos lebaran un tetulo y un lema, os cuals se cuaternaran e una carpeta postal zarrada, drento d'a que se meteran o nombre y dos apellius y l'adreza de l'autor/a, asinas como lo lugar y calendata de naxenzia y a profesion u quefers.
4-Os treballos s'endrezaran por correu zertificau ta o Consello d'a Fabla Aragonesa, trestallo postal 147, E-22080 Uesca, antis d'o 30 d'otubre d'o 2000.
5-O fallo d'o premio y as presonas que composan o churau se fera saber publicamen en abiento d'o 2000.
6-O premio consitira en 100.000 pezetas ta l'autor/a y a publicazion d'a obra ganadora.
7-O churau podra dezidir no atorgar o premio a denguna d'as obras presentadas, asinas como atorgar menzion espezial a beluna/s y aconsellar a suya publicazion. L'autor/a con menzion espezial recullira un premio de 25.000 pezetas. En dengun caso pueden trestallar-sen os diners d'o premio y d'a menzion espezial; si alcaso, o churau podria atorgar una segunda menzion espezial, sin de pre en diners, pero podendo cansellar tamien a publicazion d'a obra. A suya dezision ye inapelable.
8-A obra ganadora y, en o suyo caso, a obra u obras que tenesen menzion espezial, seran publicadas senguntes as normas graficas de l'aragones emologadas en abril de 1987, por a editorial Publicazions d'o Consello d'a Fabla Aragonesa, qui s'alza os dreitos d'a primera edizion, a cuala tiendra una edizion minima de 500 exemplars.
9-Os treballos presentaus que no se reclamen en o plazo de 30 dias naturals, que empezipiaran a contar dende a calendata en que se faiga publica a dezision d'o churau, quedaran en propieda d'o Consello d'a Fabla Aragonesa.
10-A presentazion a iste premio suposa l'adempribio d'istos regles.

Ista nuena edizion d'o Premio "Ana Abarca de Bolea" se fa con l'aduya economica d'a Diputacion Provincial de Uesca.

-------------------------------------------------------------------------
 MENSACHES CURTOS
-------------------------------------------------------------------------
-En a casa d'os Morlanes (plaza S. Carlos de Zaragoza) dica o 30 d'Abril se ye fendo una esposizion de intrumentos musicals de tradizion popular en Aragon. L'orario ye de 10 a 14 oras y de 17 a 21 oras os diyas laborables, y de 10 a 14 os festibos, fueras d'os lunes que ye trancau. Tamien se fan besitas menadas os domingos de 11 a 12 oras y conziertos didauticos os domingos de 12 a 13 oras. Telefono de reserbas: 976 721800 estension 3806.

-A plataforma de solidarida con Chiapas ha editau un libro clamau "Desde aqui", con colaborazions de muitos autors, abendo-ne-ie una en aragones, escrita por Chuse Inazio Nabarro.

-Ha naxiu una nueba publicazion eleutronica en aragones, clamada A Rebista. Tiene tematica cheneral y ya s'han feito dos numers. La podez leyer en:
http://members.xoom.com/casacotenax/arebista/
Otras paxinas d'intres: Aramedia: http://www.aramedia.org/
The tiraraina project: http://go.to/tiraraina

-En zagueras se han publicau bels libros y discos interesans sobre temas aragoneses: "Cancionero popular del Alto Aragon" (Gregorio Garces), "Coronas y zinglas" (Anchel Belmonte), "La Solana" (Carlos Baselga), "Chicoten 3" (CD). Tamien O Chustizia d'Aragon ha publicau una nueba edizion d'a compilazion de Uesca d'os Fueros d'Aragon.

-O boletin d'autualida lingüistica d'o suroeste europeo "Llengües Vives", ha editau un CD a fabor d'a dibersida lingïstica, con collas mosicals que cantan en dibersas luengas: Mus (asturiano), Mescladissa (oczitano), Nanos da revolta (gallego-portuges), Mallacan (aragones), Tots Sants (catalan) y Kashbad (basco). Lo podez demandar por solo 995 pztas. en
Llengües Vives, bustia postal 5224, 08080 Barcelona. (tel.: 932174495) y fendo un ingreso en a cuenta de "La Caixa" 2100-0815-52-0101758888.

-O diya 20 de febrero, morio en Barzelona a escritora Chuana Coscujuela, autora d'obras como "A Lueca" y "Continazion".

-Yoko Ono ha inagurau una esposizion en o Palazio de Sastago de Zaragoza, por o que s'han meso en a dentrada d'iste palazio, un gran cartel an puede leyer-se-ie "A guerra ye rematata. Si tu en quiers" (y tamien atros en castellano y ingles). Amas l'artista s'ha lebau una buena ripa de libros y discos en aragones.

-Tos remeramos os orarios de programas de radio y telebision en aragones:
Charramos (Radio Huesca, 1080 A.M.), sabados de 15,30 a 16 oras.
O Mirallo (Radio Ebro, Zaragoza, 105.2 F.M.), martes de 22 a 23 oras.
Chino-chano (TeleAndorra, Teruel), un miercols cada mes 19 a 20 oras (repetiu o mesmo miercols a las 22,30 y o chuebes a las 13 oras)

-------------------------------------------------------------------------
 PAXINAS D'INTERNET
-------------------------------------------------------------------------
 En istas tres añadas d'esistenzia de O Lupo, tos emos iu informando de paxinas d'internet en aragones, o sobre temas aragoneses, que han iu surtindo. Tos femos agora una replega, ta que las podaz besitar con mas fazilida.

-Paxinas en aragones:
Asoziazion Cultural Nogara:
http://www.geocities.com/Athens/7463
Zentro Rural d'Inobazion Educatiba de Teruel en Alcorisa:
http://adigital.pntic.mec.es/~crietalc/
Crica de cultura aragonesa:
http://www.ctv.es/USERS/crica
Ligallo de Fablans de l'Aragones:
http://www.pangea.org/spie/fablans/index.html
Rolde O Caxico de Samianigo:
http://come.to/caxico
Paxina personal de Jesus Guillen (beyer trestallo Aragon):
http://www.geocities.com/southbeach/docks/6301
Paxina personal de Cherardo Gimeno (incluyindo-ie O Lupo):
http://www.jura.uni-tuebingen.de/~s-gig1/aragones.htm
Asoziazion de Profesorau de Luenga Aragonesa (APLA):
http://personales.com/espana/huesca/apla
Internet y educazion infantil:
http://almez.pntic.mec.es/~lcavero/index.html
Aedenat-ecofontaneros:
http://www.pangea.upc.es/~spie/aedenat/aedenat-fabla.html
Consello d'a Fabla Aragonesa:
http://www.geocities.com/Athens/Styx/6828
Programa de radio "En el claro de la luna": http://www.lanzadera.com/claroluna
Grupo juvenil cristiano "HORA-3":
http://www.geocities.com/Athens/Agora/9306/h3a-arag/mh3a.htm
Editorial de la Escuela de Verano de Aragon:
http://platea.pntic.mec.es/~jnavarro/llevame.ht
Gara d'Edizions:
http://come.to/gara
Gaiters d'a Tierra Plana:
http://www.bilbaoweb.com/gaiters
Estampetas plurals:
http://www.geocities.com/CapitolHill/Parliament/3265/
Casa Cotena'x:
http://members.xoom.com/casacotenax/
A rebista:
http://members.xoom.com/casacotenax/arebista/
 

-Paxinas sobre temas aragoneses o luengas minoritarias en cheneral:
Rolde d'Estudios Aragoneses:
http://www.pangea.org/spie/rolde
Associacio Cultural del Matarranya:
http://www.readysoft.es/matarranya/index.html
Ar@agon.net:
http://www.aragon.net
Zar@goza.net:
http://www.zaragza.net
Sumer Institute of Language:
http://www.sil.org/
Libro rojo de la UNESCO sobre lenguas amenazadas:
http://www.helsinki.fi/~tasalmin/europe_report.html
Derecho Civil Aragones:
http://www.unizar.es/DERECHO/Standum_est_chartae/puerta.htm
Paxina sobre La Ronda de Boltana:
http://www.fut.es/~ade/ronda.htm
Cortes de Aragon:
http://www.cortesaragon.es
Mancomunidad de los Valles:
http://www.losvalles.com
Rechirador de recursos aragoneses Redaragon:
http://www.redaragon.com
Paxina ofizial de La Ronda de Boltana:
http://www.staragon.com/rondaboltaña
Paxina sobre o grausino:
http://alabi.upc.es/~b8041721/graus/grausino.html
Casa Garvalena (bi incluye un bocabulario aragones-castellano):
http://www.geocities.com/Heartland/Valley/6243/garvalena-html
Amigos del Serrablo:
http://www.serrablo.org
La Navata:
http://www.ctv.es/USERS/sacing/lanavata.htm
Institut d'Estudis del Baix Cinca:
http://www.encomix.es/~iebcinca
Instituto Aragones de Antropologia:
http://www.unizar.es/iaa/index.html
Paxina sobre l'aragones de RedAragon (feita por Fablans):
http://www.redaragon.com/servicio/cultura/fabla/index.htm
Revista "El Gurrion" de A Buerda:
http://www.staragon.com/elgurrion/default.html
Web de la musica tradicional aragonesa:
http://www.geocities.com/Paris/Arc/7113/
El Justicia de Aragon:
http://www.eljusticiadearagon.com
Asoziazion chobenil Hora-3 (trestallo Aragon-Actualidad) http://www.geocities.com/Athens/Agora/9306/mh3a.htm
Declarazion Unibersal d'os Dreitos Lingüisticos:
http://www.linguistic-declaration.org
Biella Nuei:
http://www.sta.es/web/bn/
Titiriteros de Binefar:
http://lobocom.es/ithec/compania/PaginasCia/titeres.htm
Aramedia:
http://www.aramedia.org/
The tiraraina project:
http://go.to/tiraraina
Lista de distribuzion de folk aragones:
http://www.onelist.com/community/folk_aragones

Tamien tos remeramos que esiste una lista de distribuzion sobre temas aragoneses, an l'aragones ye fabla cofizial, se clama Aragon-l, y ta suscribir-se cal nimbiar un mensache ta: listserv@rediris.es
y en o cuerpo meter: subscribe aragon-l mi_nombre mi_apellido

_________________________________________________________________________

Iste boletin ye escrito sin d'azentos ta fazilitar a suya leutura en ordenadors biellos.
_________________________________________________________________________

O Lupo ye un boletin de baldes, ta suscribir-se u dar-se de baxa no cal que nimbiar un mensache ta la nuestra adreza indicando-lo.
(O Lupo es un boletin gratuito, para suscribirse o darse de baja solo hay que enviar en mensaje a nuestra direccion indicandolo).
_________________________________________________________________________

              COLLA UNIBERSITARIA POR L'ARAGONES (C.U.A.)
          Edifizio Interfacultaz, Pedro Cerbuna 12, 50009 Zaragoza
                  E-mail: 181991@cienz.unizar.es
                          colla@posta.unizar.es
_________________________________________________________________________