Lupo 16

_________________________________________________________________________

           XXXX          XX      XX XX XXXXX    XXXX
          XXXXXX         XX      XX XX XXXXXX XXXXXX
          XX XX         XX      XX XX XX XX XX XX
          XX XX         XX      XX XX XXXXXX XX XX
          XX XX         XX      XX XX XXXXX   XX XX
          XX XX         XX      XX XX XX      XX XX
          XXXXXX         XXXXXX XXXXXX XX      XXXXXX
           XXXX          XXXXXX   XXXX   XX       XXXX
_________________________________________________________________________

BOLETIN D'A COLLA UNIBERSITARIA POR L'ARAGONES
FANZINE ELEUTRONICO EN ARAGONES
_________________________________________________________________________

Numero 16 (Setiembre-Otubre 99)

-------------------------------------------------------------------------
NOTIZIAS
-------------------------------------------------------------------------

A NUEBA D.CH.A. Y AS FABLAS MINORITARIAS
Dimpues d'as esleuzions autonomicas d'o pasau 13 de chunio s'ha formau un nuebo Gubierno d'Aragon, fruito d'un alcuerdo entre o PSOE y o PAR. Sobre a posizion que ye mantenendo dica agora, a o respeutibe d'as fablas minoritarias d'Aragon, cal fer referenzia a bellas custions:

O gubierno ye alazetau en un alcuerdo programatico, que incluye entre os suyos puntos a reyalizazion d'una lei de luengas d'Aragon.
O nuebo Presiden, Marcelino Iglesias (naziu en Bonansa), manifesto en o debate d'inbestidura estar prou sensibilizau con a custion lingüistica, y anunzio a suya intinzion de dar "trangos impotans" en ista lexistatura, mas tarde ha afirmau en barios meyos de comunicazion que empentara una lei de luengas que reconoxca a l'Aragones y o Catalan.
D'atra man, o nuebo consellero de Cultura y Turismo, Javier Callizo (naziu en Echo), tamien ha dito en dibersas entrebistas que a suya conselleria treballara en a proteuzion d'as fablas minoritarias, y fazio una defensa d'a suya impotanzia dentro d'o patrimonio cultural aragones.
Amas, a consellera d'Educazion, Maria Luisa Alejos-Pita, afirmo en a comision d'educazion d'as Cortes, que os curricula d'a escolanalla prestaran atenzion a las peculiaridaz d'Aragon, incluyindo-ie as fablas minoritarias.
Tot isto fa pensar en que, con o relebo en o gubierno, a posizion d'a D.Ch.A. ha dau un chiro sustanzial, estando agora l'autitu deban de l'Aragones y o Catalan d'Aragon, en primeras, faborable y positiba.

-------------------------------------------------------------------------
ZAGUERAS PUBLICAZIONS
-------------------------------------------------------------------------
Libros:
-"Silenzio en o corazón" (Jaume Cela, ed. Xordica)
-"Indize de bocables de l'Aragones" (tomos I y II, d'un total de zinco, ed. Instituto de Estudios Altoaragoneses)
-"Luenga & Fablas", lum.2 (ed. Consello d'a Fabla Aragonesa).
-"Luengas menazatas y normalizazion. Autas d'o XVIII congreso de l'Asoziazion Internazional ta la Defensa d'as Luengas y Culturas Menazatas (AIDLCM)" (ed. Consello d'a Fabla Aragonesa).
-"Las glosas emilianenses" (Heinz Jurgen Wolf, bersion española por Stefan Ruhstaller, ed. Universidad de Sevilla)

Discos:
-La Orquestina del Fabirol, "Suda, suda fabirol" (reedizion en CD d'o suyo primer disco)

-------------------------------------------------------------------------
CURSOS D'ARAGONES
-------------------------------------------------------------------------
Como viene siendo habitual, a mediados de octubre comenzaran los cursos de Aragones que ofertan la Asoziazion Cultural Nogara y el Ligallo de Fablans de l'Aragones. Estos cursos duran hasta el mes de mayo, impartiendose tres horas semanales de clases, bien en horario de tarde dos dias entre semana (una hora y media cada dia), o bien el sabado por la mañana (tres horas). Existen grupos tanto de iniciacion como de perfeccionamiento. Para mas informacion o inscribirse:

Asoziazion Cultural Nogara:
C./Palafox s/n., Zaragoza.
Tel.:976 39 07 08 (lunes a viernes de 19,30 a 21,30 horas)
nogara@posta.unizar.es

Ligallo de Fablans de l'Aragones:
C./ Coso 150, principal derecha, Zaragoza.
Tel.:976 20 10 12 (lunes a viernes de 10 a 14 y de 20'30 a 22 horas)
fablans@pangea.org

-------------------------------------------------------------------------
DREITO ARAGONES Cherardo Gimeno
-------------------------------------------------------------------------
Una peculiarida mas d'o dreito foral aragones, y que suposa una regulazion diferien a la d'o dreito comun español, ye o problema d'a suzesion abintestato, baxo ista denominazion se troba o problema de que pasa con os biens d'una persona cuan ista no ha feito testamento. A nueba Lei d'Erenzios d'Aragon de 23 d'abril de 1999 reculle a biella tradizion d'o nuestro dreito en ista demba.

En primerias, si a persona que muere no dixa escrito testamento, os biens estaran eredaus por os suyos fillos, y por os demas pariens en grau deszendien si no esistisen os primeros. Si no bi ha deszendiens, caldra parar cuenta si os biens son troncals u no, os bien troncals son toz ixos que han estau propieda d'a familia d'o difunto en chenerazions anteriors, anque güe nos zentraremos en a resta d'os biens d'a persona que ba morir sin dixar testamento. Asinas pues, dimpues d'os fillos y deszendiens, eredaran os aszendiens, si istos tamien mancan, o conyuguio, y si iste tamien mancase os pariens colaterals dica o cuatreno grau, ye dizir os primos chirmans.

Si a persona morise sin garra familia, o gubierno d'Aragon estara qui reculla istos biens. Una curiosida de biello orixen d'o nuestro dreito ye o clamau prebilexio de l'Espital d'a Nuestra Señora de Grazia u Probinzial de Zaragoza, lo conoxerez porque ye o que se troba zaga de l'Otel Corona d'Aragon, y consiste en que os biens d'una persona que muera en iste espital sin dixar testamento ni familia conoxida,
pasaran ta la propieda de l'espital.

-------------------------------------------------------------------------
II TROBADA D'ESTUDIOS Y RECHIRAS ARREDOL DE L'ARAGONES
-------------------------------------------------------------------------
L'Instituto d'Estudios Altoaragoneses, con a colaborazion d'o Consello d'a Fabla Aragonesa y o Zentro de Profesors y Recursos de Uesca, organiza a "II Trobada d'Estudios y Rechiras Arredol d'a Luenga Aragonesa y a suya Literatura", que se zelebrara en Uesca entre o 18 y o 20 de nobiembre de 1999. Os ochetibos d'a mesma son achuntar cada dos añadas a os estudiosos de l'aragones, entrecambear informazions, enamplar o zerclo de rechiradors, empentar os estudios sobre a luenga aragonesa, puyar o ran zientifico d'os mesmos y espardir-los con a publicazion d'as autas.

En a trobada se feran una serie de ponenzias por parti d'os profesors combidaus (bi asistiran belunos d'os mas importans filologos d'Europa espezialistas en fablas romanicas), y se i presentaran atras comunicazions por parti de os partizipans, que seran de tematica libre (aragones muderno, meyebal, gramatica istorica, lesicografia, toponimia, soziolinguistica, istoria d'a luenga, amostranza, literatura, folklore).

Ta incribir-se-ie como asisten, caldra nimbiar una fuella d'inscrizion antis d'o 28 d'otubre d'o 99 (encara que puestar que o plazo s'enample dica o 5 de nobiembre), chunto con a copia d'a tranferenzia bancaria d'a conduta d'inscrizion, ta:
Instituto d'Estudios Altoaragoneses. Carrera d'o Parque, 10. 22002 Uesca.
A conduta ye de 3.000 pztas., u de 5.000 incluyindo-ie a chenta de rematanza, que cal ingresar en a cuenta 0103-0084-21-01-0002376-8 (cuenta d'o Banco Zaragozano a nombre d'o IEA).
Se entregara un diploma d'asitenzia emologau por o Departamento d'Educazion y Cultura. Ta mas informazion clamar a o 974 240180 (IEA).
Ta informazion sobre meyos de transporte y alox: 974 292100 (of. turismo de Uesca).

-------------------------------------------------------------------------
MENSACHES CURTOS
-------------------------------------------------------------------------
-En Abizanda s'ha inaugurau un nuebo museu de relixiosida popular y creyezias, baxo a direuzion d'Angel Gari. Puede bisitar-se os cabos de semana, y agora presenta dos esposizions (una sobre restaurazions en o munizipio y unatra sobre pintura relixiosa d'o Sobrarbe d'os sieglos XVI y XVII). Mas informazion en o 974 30 03 26.

-Ha empezipiau una nueba temporada d'o programa de radio en aragones "Charramos", que se fa dende Radio Uesca (1080 AM). Podez ascuitar-lo os sabados entre as 15,30 y as 14 oras. Tambien contina emitindo-se o programa "O Mirallo", en Radio Ebro de Zaragoza (105.2 FM), pero agora con un nuebo orario, os martes de 22 a 23 oras.

-Nueba paxina d'internet en aragones:
Casa Cotena'x: http://members.xoom.com/casacotenax/
Otras paxinas d'intres:
Biella Nuei: http://www.sta.es/web/bn/
Titiriteros de Binefar:
http://lobocom.es/ithec/compania/PaginasCia/titeres.htm
Lista de distribuzion de folk aragones:
http://www.onelist.com/community/folk_aragones

-Dentro d'as fiestas d'o Pilar de Zaragoza, se faran en a plaza San Pablo una buena ripa d'autuazion de collas de folk aragones: O diya 9 d'otubre, Biella Nuei, diya 10, Dulzaineros del Bajo Aragon, diya 11, La Ronda de Boltaña, diya 12, La Orquestina del Fabirol, diya 15, La Birolla, diya 16, Hato de Foces, diya 17, Escandallo. Os conziertos empezipiaran a las 21 oras (fueras d'o primero que lo fara a las 21,30).

-O serbizio de publicazions d'as Cortes d'Aragon ha publicau un libro, de mas de 300 paxinas, con os treballos y interbenzions d'a Comision de Politica Lingüistica d'as Cortes d'Aragon, incluyindo-ie tamien todas as iniziatibas parlamentarias en ista demba empentadas en a zaguera lexislatura.
_________________________________________________________________________

Colaboran en iste numero: Cherardo Gimeno, Daniel Gonzalez.
Agredezemos a colaborazion informatiba de Chesus Gimenez Arbues.
Iste boletin ye escrito sin d'azentos ta fazilitar a suya leutura en ordenadors biellos.
_________________________________________________________________________

O Lupo ye un boletin de baldes, ta suscribir-se u dar-se de baxa no cal que nimbiar un mensache ta la nuestra adreza indicando-lo.
(O Lupo es un boletin gratuito, para suscribirse o darse de baja solo hay que enviar en mensaje a nuestra direccion indicandolo).
_________________________________________________________________________

              COLLA UNIBERSITARIA POR L'ARAGONES (C.U.A.)
          Edifizio Interfacultaz, Pedro Cerbuna 12, 50009 Zaragoza
                  E-mail: 181991@cienz.unizar.es
_________________________________________________________________________